STOP0273_0274_21389

Bakelandt wos e vint lik èn here. Enne wos hij bij de gendarmes enne ging hij uut. Dat wos e beer van e vint, e snelle (mooie) vint. Enne wos hij met olleman in gang. Enne wos hij gekleed lik èn here. Hij wos de chef. ’t Wos e hele bende. ’t Woren d’er zevenentwintig. Z’èn met zevenentwintig up ’t schavot gezeten, ’t hoofd ofgedon geweest. Tink me dat dat in Brugge geweest wos. ‘k Weten wel datten hij nog e grote sigarre smoorde. ’t Wos de latsten dat z’onthoofdden. Z’èn ollemale ulder hoofd gelaten. Die bazinne van die herberge in ’t bus, e bitje over Staân, wist olles. ’t Wos dor dat de vergoringen woren. Z’èn vele joren roendgelopen. ’t Langen latste èn ze zieder olglijk gepakt geweest. Z’èn klopjachten hoeden. Z’èn zieder olleszins gepakt geweest in ulder speloenken. Z’an zeker wel e speloenke of vuve. Je koste dor niet vele van zien want dat wos oender de groend. Oj dor hoorde van hoeten van uze oeders dat wos e wreê tijd enee. Z’èn stief vele overvollen gedon. ’t Zijn d’er olglijk nogal vele die ulder leven gelaten èn. O ze vodder kosten, ze gingen nog niet te vele moorden.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Bakelandt was de leider van een roversbende. Hij was vaak gekleed als een heer. Zevenentwintig rovers van de bende van Bakelandt werden in Brugge onthoofd. De rovers hielden bijeenkomsten in een herberg in Staden. Ze hadden ook verschillende ondergrondse spelonken waar ze zich schuil hielden. De bende van Bakelandt heeft veel overvallen gepleegd.

S. Top, Leuven, 1964

4. Historische sagen

west-vlaams (vrijbos)

159D

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Zarren    Zarren   

Staden    Staden   

Brugge    Brugge