JVENK0277_0278_10401 - Kwade hand aan voorwerpen

Dat is nog neet zoe hiel lang gelièje, in Stokkem in ’t Mueleveljd haef het zich nog vuergeduon. Die minse höbben hiej niève gewoend in dat aud getrèk waat now aan ’t invallen is. Dat waas biej Liên van Coolen, die waas getrouwd gewaes mèt Jean van de Wauw hiej van Mièzik, en dae hauw maar ei keind, e maesje. En dow zien die hiej eweggegange en die zien nao ’t Muelveljd guon woene. Dao hauw ziej ’n hoes mèt häör broor. En dao broor van häör dae waas gestorve, dae waas neet getrouwd. En ziej mèt dat keind die woende dan dao. Dat Antje van Thieu Pannemans dat waas nog paat van dat keind, dat waas ouch tant van dat keind, dat höb ich nog hure zègge dat ze dao niks kosjten hauwen in ’t hoës? Es ze de koo gemolken hauw en ze brach de mèlk bènne… ’n oor d’r achter waas ze zoër. En es ze te bakken hauw gezat, dat woer ’s aoves van te vuere ongereingemaak mèt de zoerdeig, en ’s angerendaags ’s mörges stong daen deig hiel besjummeld. En es ze de gordiene gewassen hauw, zag dat Antje, en ze hing ze op, dan wuore ze gewassen en gestrièken, he, en e bitsje daonao dan dröpde ze vuer de vinster. En het keind z’n kommuniekleijer, die hauw dat Antje hiejer mote beware, dat ze naat wuore dao in de kist. En dao waas gein doen aan en die zien mao de paters van Gelaen achternao mote guon en die zien gekommen en die hobbe dat dao vriej gebaejd.

Op het Molenveld in Stokkem woonde een gezin dat altijd ongeluk had. Wanneer de mensen de koe hadden gemolken, was de melk na een uur al zuur. Als de vrouw 's avonds deeg klaarzette om te bakken, was het deeg de volgende ochtend beschimmeld. Wanneer de gordijnen gewassen en gestreken waren opgehangen, begonnen ze even later te druppen. De communiekleren van het kind lagen nat in de kist waarin men ze had opgeborgen. De paters van Geleen zijn moeten komen om het kwaad te verdrijven.

J. Venken, Leuven, 1968

2.1 Heksen

limburgs (maasvallei)

293

fabulaat

Meeswijk    Meeswijk   

Molenveld (Stokkem)    Molenveld (Stokkem)