RCALL0161_0163_13411 - X kan de wonderbaarste dingen doen als hij in zijn boek leest (Izegem)

Er was bie oes in den troep een roar manneke, Juulke Boogmans. Je had een zwort kofferke met boeken. We woaren ne keer binst den oorloge in repos bie nen boer. ’t Was een soeorte van een heerhof mt een groeote dreve d’er noa toe. We kwoamen d’er toe roend den oavend. We vroegen of we geen melk mochten hèn, we kregen geen. “’t Is goed” zei Juulke “wiedre (wij) geen melk, guldre (gij) niet melken”. Ze giengen noa den koeistol oem te melken mo ze kosten de deure niet open kriegen. ’s Nuchtends kosten ze were niet binnen. Den boer gienk noa de pasterie. Roend den elven kosten ze were niet binnen. Het hus stoend vlak voeo de skeure woa da we sliepen. Juulke zei olmetnekeer: “Ge moet nu ne keer kieken zè”. We zoagen ’t hof vul ratten loeopen en deur ’t gotegat krupen en in den toafel van ’t hus spriengen. Den officier kwam noa de skeure en zei: “Juulke, den boer zegt da we melk goan kriegen oe we melk noeodig hèn”. Nu kost den boer in zien stol oem te melken.Dienzelfden boer had achthoenderd lans (landmaat: er zijn 1100 lans in een hectare) beeten stoan en je vroeg an oes “is er geen die kan beeten zetten”? Ik zei da’k da koste en wok nog drie andre. Oe we nen hoalven dag bezig woaren kwam Juulke bie oes. Je zei: “Wil je mienen road volgen, da zal hier gauwe gedoan zien. Leg joe plat ip de groend met hundre handen voeo hundre oeogen en niemand mag kieken zoeolange ik het nie zegge”. We deien dadde. ’t Deurde een kart en je zei ton: “Kiek mo” en ol de beeten woaren gezet.Dien boer wierd een bitje benauwd van da manneke en gienk noa de paster. De paster zei: “morgennoene goa’k kommen roend den een.” Juulke zei roend den noene: “ge moet ne keer noa de dreve goan, ge goat de paster zien kommen, mo je goat in de dreve niet kunnen”. Juulke zat doa in zien boekske te lezen. De paster kwam en stoend vuf minuten te lezen voeo de dreve en gienk een bitje verdre deure. Je keerde were en begoste were te lezen. En ton nog ne keer. “Hei j’t gezien” zei Juulke “dat de paster er niet in kan”. Ik hè da gezien met mien eigen oeogen. Ge ziet wel dat er minsen zien die entwodde kunnen.Er was ne keer feeste van de Fransmans. Ze han een zoale en d’er kwoamen scamateurs (goochelaars). Juulke zei tegen oes: “Goa je mee, ‘k goa olles betoalen, ik goa de Fransmans ne keer leren”. We giengen binnen en Juulke betoalde. Het was een groeote zoale met een dubbele deure, nen theater, en d’er zoaten wel duzend Franske soldoaten. Ze deien er verskillende spelen. Juulke zei tegen den boas: “Menheere, ma’k wok nen toer doen?” Je lachte d’er mee, mo je mochte toch. Je gienk ip den theater en zei dat we ollemolle oes oangezichte mosten droaien. En Juulke begoste in zien boekske te lezen. Olmetnekeer gienk de butendeure open, en oet er doa geen vier dust (duizend) soldatjes passeerden, ol klene roeo mannekes, er passeerde geen een. De Fransmans woaren benauwd. We deien nog een café of viere en Juulke betoalde ’t ollemolle; je n’had pertank (nochtans) geen frank in ziene zak.Oezne congé was ut en we giengen noa Adinkerke. Oe we doa ne dag of achte woaren, gienk oezne commandant weg en d’er kwam nen nieuwen, een van Brugge. Je kwam ne keer in oezne café en we mosten noa ’t cantonnement. Juulke zei “Wa goa je wel doen met oes, dat kan niet zien”. ’s Anderendoags han we inspectie. Juulke stoend van achteren met zien boekske en je dei dien commandant nen metre of viere hoeoge in de lucht goan en liet hem doa zoeo een menute of vuve hangen. Oet ne were ip de groend kwam liep ne weg en we hèn hem nooit meer gezien. We kregen oezne oeden commandant were. Juulke hèt nog ne moand of twee bie oes gewist.Oet ne voeort gienk kwam ne d’hand pakken. Je gienk voeort met zien kofferke en zien boeken en we hèn hem nooit meer gezien. Ik had hem ne keer gevroagd: “er zien d’er zeker nie vele zukke liek joe”? Je zei dat er mo twee woaren in België en dat er binnen kort mo een ne meer gienk zien. ’t Was woa, je was weg en we hèn ne nooit meer gezien.

SINSAG 0750 - Andere Zauberei.    SINSAG 0750 - Andere Zauberei.   

SINSAG 0666 - Zauberer bannt an den Ort.    SINSAG 0666 - Zauberer bannt an den Ort.   

SINSAG 0693 - Zauberer lässt Soldaten (Zwerge) unter dem Kamin hervor kommen.    SINSAG 0693 - Zauberer lässt Soldaten (Zwerge) unter dem Kamin hervor kommen.   

a) In het leger was een vreemde soldaat die een zwart koffertje met boeken bezat. Op een dag logeerden de soldaten bij een boer. Omdat de boer weigerde de mannen melk te geven, sprak de soldaat bij zichzelf: "Wij geen melk, jij niet melken!" De volgende ochtend geraakte de boer niet in zijn stal om de koeien te melken. Nadat de boer naar de pastorij was geweest, ging de deur van de stal nog niet open. Even later zette de soldaat de boerderij vol ratten. Daarop kwam de officier naar de soldaten met de boodschap dat iedereen voortaan zoveel melk kreeg als hij nodig had. Daarna kon de boer weer in zijn stal om de koeien te melken.
b) Op een dag vroeg de boer aan de soldaten of in het veld bieten konden planten. Terwijl de soldaten aan het werk waren, sprak de soldaat die de toverboeken bezat: "Ik zal eens zorgen dat het werk hier snel klaar is. "Ga allemaal plat op de grond liggen met jullie handen voor jullie ogen. Jullie mogen niet kijken tot ik het zeg. De mannen deden wat gevraagd werd. Een kwartier later waren alle bieten geplant.
c) Omdat de boer bang was voor de soldaat met de toverboeken, vertelde hij alles aan de pastoor, die daarop zei: "Ik zal morgen om één uur 's middags eens langskomen". Toen de pastoor de volgende dag langskwam, kon hij de dreef naar de boerderij niet betreden. De soldaat zat de hele tijd in zijn toverboeken te lezen om de pastoor tegen te houden.
d) Op een dag gaven de Franse soldaten een groot feest met optredens van goochelaars. De soldaat die de toverboeken bezat, klom op het podium, begon in zijn boeken te lezen en vroeg alle mensen om hun hoofd even af te wenden. Even later ging de deur open en kwamen er vierduizend kleine rode soldaatjes binnen. Na afloop van het feest ging de soldaat samen met zijn vrienden nog naar enkele cafés. De soldaat met de toverboeken betaalde het gelag, hoewel hij geen rooie duit op zak had.
e) Toen de soldaten in Adinkerke gekazerneerd waren, kregen ze een nieuwe commandant uit Brugge. Tijdens de inspectie deed de soldaat die de toverboeken bezat, de commandant vier meter hoog de lucht in vliegen om daar vijf minuten te blijven hangen. Toen de commandant weer op de grond kwam, liep hij verontwaardigd weg. Daarna kregen de soldaten hun vroegere commandant terug.
f) Toen de soldaat met de toverboeken het leger verliet, vertelde hij dat er maar twee zoals hij waren in heel België. Binnenkort zou er zelfs maar één meer zijn. Daarna is de soldaat vertrokken en hij is nooit meer teruggekeerd.

R. Callens, Leuven, 1968

2.3 Toverboeken

west-vlaams (tielt en izegem)

358

WOI of WOII

memoraat

Izegem    Izegem   

België    België