PKNAB0555_0558_7029 - Geest van grootmoeder komt terug

L/XXVI: (Vertèl hem ins van eur groetmoeder…Of doot ger dat neet?)Van mijn groetmoeder?L/XXVI: (dat waor eur groetmoeder toch hè?)Wèi??L/XXVI: (die trugkaom, die truggekómmen waor?!)Jao, mer dan kómmen dao namen bij terech, en dat heb ich toch neet gèir.PK: Jao mer, die namen die schrijf ich toch neet op, dao kènnen ver toch niks mèt doen.Jao, want dat is ech gebeurd, dat waor ech gebeurd. Mij mooder, en heur zuster, die woënden nevenein, tegenein gebówen, en ze hauwen alle twie e kud kènger (kudde kinderen), groter jónges en kleinere, en dat waor zo achteróm, waor d’r zoe ’n dinge gebówen van stälkes, en dèi man, dèi man dèi werkte aan de zië mèt ’n dame woe er mèt in betrèkking waor hé (begrijpende blik), en toen zaot die vrouw dao allein mèt dat kudd’ kènger hé, al groeter jónges en al kleindere, en veer woenden daoneven. En toen kaom die ’s mörges óm: "hebs-te het neet huren kloppen?" Jawâl, jà, woe kosj dat es ’t neet ech waor? Het is ech gebeurd, want mij mooder hèit ’t mich op heur sterfbèd nog gezag. Het klopde achter op die "koostaldeur" hè, zjus óm twelf ore. "Wat moeten ver daomèt? en wat zou dat? en wat zou dat?" Jà, en dao blèif dat mèt. Mer de nach d’rop klopde-n ’t weer. "God, en ich bèn hie allein", jà, ze waor mer mèt heur kènger allein hé. De mooder huurde-n ’t tot bij ós in ’t huis, want dat waor toch nów get wat toch neet kósj bestoon, es ’t niks hiel vrèimps (vreemds) waor hé, van dao, zoe euver dat huis tow nao ’t ós hé (het onze). "Ich weit ’t ouch neet, Bet, ich weit ’t ouch neet, ’t is zoe get aardigs, ich bèn bang", zag ma. "Jà, wat mooten ver daomèt doen?" Iërs klopde-n ’t op de buitendeuren, toen klopde-n ’t op de deur van de gangk nao ’t huisL/XXVI: (van de scheur (schuur) nao de gangk hè?!)van de scheur nao de gangk. En de volgende nach klopde-n ’t op de huisdeur, van de kamer hé, "wat mooten ver toch goon doen?" "Ich weit ’t ouch neet." Jà, en de luj waoren al in dèin tijd allemaal even ärm hé, dao haw nieme (niemand) niks te missen: mer de nach d’rop klopde-n ’t weer, "Jao mer nów mooten ver toch raod zeuken." "Ich heb nog e bitteke centen, wèts-te wat ver goon doen?" "Nein." Die nach, de lètste nach toen haw ze de deur opengedoon en toen stónd HEUR MOEDER - jà en ouch van mijn moeder, want ’t waoren gezusters -, toen stóng ze zoë aan de deur, aan den deurstijl, effekes tegen, ich zeen ’t nog veur mijn ougen, vreuger hauwen de luj zoe ’n moolj hè, woe ze in beeken (bakten), en die stóng zoë (gebaar) en dao waor nog ein plaats veur ene stool te zètten. En dao stóng ze. En dat bèd, jà dat waor zoe e kämerke, en dat waor dan dao, en dan kós-te zoe zjus nao dat huis inkijken hè.L/XXVI: (maar ZIJ had de deur neet opengedoon hè, die dao waor, DIE had de deur opengedaan hè?)Jao, die dao waor deeg de deur open.L/XXVI: (en zij lag in ’t bèd hé?)En zij laog in ’t bèd. En toen vreuger toen hauwen de luj nog geinen illentrik (electriciteit), mer ze hauwen zoe ’n petrollamp, de wèts zoe ’n kleine hé.PK: jaojao.en die haw ze op eine stool neven ’t bed stoon, jà dat waor meistal euveral zoe hè enne, toen dräjde (draaide) ze ’t hiel hoeg op en dao stóng: mooder! Jà, en dat woar mijn groetmoeder. Zoe, wie ze altijd in heure zetel had gezeten. "Wat mooten ver nów gaon doen?" "Ich zal nog ins get centen bijeinzeuken" - dao waor nerges geinen houp te vèngen hè-. "Jà en ich ouch. » En dan geit mer gauw einen in Rèikem nao de paters es ger dat wèt? PK: jao, jao.en dan mosten ver dao mer e paar mèssen laoten doen. Jà en mij vader kaom toen van Mestreech en zjns (sic) woe er nao de straot inging, woe er mós nao zijn huis goon, en zijne kameraod waor bij hem. Ee hèir ’t mich ouch hiel dèk vertèld. En zoe, vanuit de straot zoe euver nao de groete straot in, "zoe euver mijn tienen (tenen)", zag er, "’n aud vröüke, zoe wie ene vogel, euver mijn tienen nao de straot in." Jà, en toen hadden ze e paar mèssen laten doen, en toen waor niks mier gekómmen.PK: ha, toen woar niks mier gekómmen?Die kaom zich nog gèt vraogen.PK: allé?Jà, ich zou ’t aan niemes (niemand) hebben durven zèggen, jà, hie aan mijn dochter en zoe, mer mijn mooder hèit ’t mich nog vertèld wie, dezelfden dâg dat ze gestorven is. Dus ’t zijn gein leuges hé!PK: nein, dat moot er toch wâl get gewèis zijn.Jao, jao, en ze hadden nog, ze hadden nog, jà dao waoren aan de twie kanten jónges hém, zoe ’n scheutelingen (opgeschoten jongens) hé, "Kómt geer deze nach hijer (hier-her)?" - jà, woe ze kloppen kaom -. En dan blijf ger hie mer gezamenlik zitten, jónges, en dan vraogt ger ins wèi aan de deur is." Maar, ier ’t twelf ore woar, ging eeder weer nao z’n huis. Die hadden ’t ouch neet… (veelbetekenende blik)L/XXVI: (Hahaha! toen gingen ze slaopen, jao !)Toen gingen ze weg; toen hadden ze ’t ouch neet… jà, ich zou ’t misschien ouch gedoon hebben. Ich zag altijd zoe: "Ich had dao de pestoer van ’t dörp ins bijgehaold en ins met mijn tant dao gezag en gevraog, wèi bès-te of wat moos-te?" hè, mer jao… Jà, dat waor dat, dat waor neet van de weerewouf, dat waor get anders! Dèi, dèi kameraod dèi neven mij vader leep, die kwaomden (kwamen) toen te voot van Mestreech van hun werk, mer zeker weer get erges blijven "pingelen" (lanterfanten) - mij vader dèi kaarde (kaartte) zoe gèir - "Wa’s dat, Harie?" - dat waor dèi Panis van Wezent waor dat hè "Harie, wat waor dat?" "Jà, niks van hie", zag dèi mèr dèi wis (wist) dat hè -, dèi wis wat gaonde waor. Jà, want wie moeder sterven ging toen zag ze tegen mich - ich waor ’t audste van ’t hiel kud (kudde) - "du moos mer good veur de kènger zörgen en zoe", waor moeder aan ’t vertèllen. "En dan moos-te mer good veur mich beijen (bidden)." "Och sukkel"zag ich, "zoveul leid gehad" - ich haw dao twie jaor en ’n half mèt gesukkeld gehad, zoelang waor die krank gewèis - "zoe ’n ärm sukkel en mèt zoe e kud kènger, wat zouws dich toch nog… ich zal wâl veur dich beijen, mer ich dènk dat geer dat neet mier nudig hebt. Jà en anders kómt ’t mer vraogen", zag ich. Toen zag ze zoe: "Du zouws aardig opkijken"…PK: oh jao, dat zal wel.Jaojao. Mer dat waor niks van de werewouf, dat is zoeget wat ech gebeurd is.L/XXVI: ( Jà, en nów hoofs-te zoeget neet mier te vertèllen hè, dat g’löüven ze toch neet mier.)Nein, ich heb dat ouch noëts aan neeme (niemand) vertèld, es aan uch, want dat zou toch niemend g’löüven hè. Mer , ’t waor hiel zeker waor, want mijn moeder die ging sterven en zij vertelde ’t mich nog hè. Jao jao (… geruststelling over "verwerking" van gegevens in Thesis aan L/XXVI.)L/XXVI: (mer dat waor neet hie hé, dat waor in Neerharen hè.) …(vervolg): Mer dat zal wel neet, want anders dan… dan blèif die groetmoeder neet… neet dao blijven komen kloppen hé.L/XXVI: (Jà nein, had die now ouch ins gevraog "Wat moot ger")Es dao nów eeme (iemand) de mood had gehad veur te vraoge "wèi zeet ger, wat moot ger" en dao had neeme de koeraasj, en heur eigen, eigen dochter, ze laog in ’t bed en de mooder stóng in den hook en "deeg ze niks" zag ich es ich dèks - dan begos ich dao-euver, jà ver woende dao tegeneuver. "Mèisje, zwijg daovan", zag ze dan, hm, jao. En ich zag: "Zag ze niks" "Nein ze bekeek mich", zag ze dan. "Ze bekeek mich mer".L/XXVI: ("Jà, ich weit ’t neet. Dao zal toch wel erges get zijn, dènk ich…

SINSAG 0456 - Der Poltergeist im Hause    SINSAG 0456 - Der Poltergeist im Hause   

Twee zussen die naast elkaar woonden, hoorden om middernacht een geklop op de deur van de koeienstal. De volgende nacht werd er geklopt op de deur van het gangetje dat naar het huis leidde. Daarna werd er zelfs geklopt op de deur van het huis. De volgende nacht ging de deur van het huis vanzelf open. Daarop zagen de vrouwen de geest van hun overleden moeder staan. De vrouwen besloten met hun spaarcenten naar de paters van Rekem te gaan en enkele missen te laten doen. Toen de echtgenoot van één van de vrouwen terugkwam van Maastricht, waar hij werkte, zag hij een oud vrouwtje door de straat lopen. Nadat men een mis had laten doen, liet de geest zich niet meer zien of horen.

P. Knabben, Leuven, 1970

1.4 Luchtgeesten

limburgs (maasvallei)

N/III/526

Moeder van de informant

fabulaat

Bandopname

paters van Rekem    paters van Rekem   

Rekem (pater van)    Rekem (pater van)   

Neerharen    Neerharen   

Rekem    Rekem   

Maastricht    Maastricht