RCALL0198_0199_13489 - Verzonken kasteel te Oostrozebeke

Te Rozebeke staat een verzonken kasteel. Pitje Krikke, een vroegeren kasteelhere keerde doa were en was dikkens te ziene. Mien noenkel vertelde dat ’s nachts roend den twoolven de poorten van dat kasteel openvlogen en er koetsen met dames en heren ’t hof kwamen ip gereen.Er was doa ip dat hof (dat kasteel is nu een hof) een boeverke, een droenkaardeke. Ne keer kwam ’t droenke noa ’t hof en er zat do ip een partij land een eeuwigen skoeone (zeer schoon) dame in ’t zwarte, te roakelen ip ’t land. Je zei ertegen: “Juffrouw, ge ziet loate an ’t werk”. Ze zei: “Den dag is voe joe, den nacht is voe mie”. Mo je koste olmetnekeer ne meer weg en je moste droagen dat ne zwitte, ze zat ip ziene rugge. Ze was nooit te ziene bie doage, wel ’s nachts. Je tjoolde (sukkelde verder) zo naar den stol, mo je koste niet slapen en je zwitte. Je bleef liggen toet ’s nuchtends ten elven. Den boer gienk kieken en je zei dat ne niet ut bedde koste. Ze giengen achter de paster: je belas hem en je moste lezen dat ne zwitte, je moste hem ofdrogen met nen handdoek. Mo je was toch verlost. De paster zei: “oe je ’s oavends nog entwiene ziet, zeg tonne nie meer, ze goan joe wok gerust loaten”.

SINSAG 0310F    SINSAG 0310F   

SINSAG 0473 - Wiedergänger in der Geisterkutsche.    SINSAG 0473 - Wiedergänger in der Geisterkutsche.   

SINSAG 0450 - Andere Tote spuken.    SINSAG 0450 - Andere Tote spuken.   

a) In Oostrozebeke was een kasteel verzonken. De vroegere kasteelheer keerde daar vaak terug. Omstreeks middernacht vlogen de kasteelpoorten open en reden er koetsen met dames en heren rond.

b) Op het kasteel werkte een paardenknecht die vaak dronken was. Toen de dronkaard op een nacht naar het kasteel ging, zag hij op een veld een zeer mooie dame zitten, die in het zwart was gekleed. Toen de dronkaard zei: "Juffrouw, jij bent nog laat aan het werk!", antwoordde de dame: "De dag is voor jou, de nacht is voor mij". De dronkaard kon haast niet meer voort, want de dame liet zich dragen op zijn rug. De volgende ochtend kon de dronkaard niet meer uit zijn bed. Pas nadat de pastoor hem had overlezen tot hij zweette, was de man verlost. De geestelijke gaf hem de volgende raad: "Als je 's nachts nog eens iets tegenkomt, zeg dan niets meer".

R. Callens, Leuven, 1968

1.4 Luchtgeesten

west-vlaams (tielt en izegem)

441

fabulaat

Oostrozebeke    Oostrozebeke   

Oostrozebeke    Oostrozebeke