STOP0030_0032_20668

Bakelandt, Simpelaere en De Zot (dat wos zijn bijname) mosten vluchten voor de gendarmen van Roeselare onder de leidinge van brigadier Duchenin. En ezo gerakten ze te Pietje Fien en Groefs (bijnaam: Pietje Fijn en Grof) en ze staken ulder dor weg. Pietje wunde lansen de grote bane nor Hooglee, e bitje innewaars (inwaars). Ze woren dor verdoken in e getekot. Plots woren z’omsingeld van de police. Bakelandt zei tegen Simpelaere: "’t Gaat dor geen doen meer an zijn, we gon uus moeten overgeven!" De police trok de deure van dat getekot open. Bakelandt sproeng toen uut de boendel rapen. De police trok zijn sabel. Up een zwaai snakte Bakelandt de sabel uit de polices handen enne krakte hem up zijn knie en gaf hem were. Toen zeiten tot de police: "Nu mag je me binden en mijn gezel ook!" Ze werden toen nor ’t prison gedon van Brugge. E maand later werd het vonnis afgewezen van de vierenenveertig gevangenen. Bakelandt zei tot de juge: "Gij kent dor nieten van, van die moorden dat mijn volk gedon et. ‘k Gon z’ik up ’t vonnis wijzen en straffen. Ozo gaat ’t ollemale wel zijn." (d.w.z. zal iedereen zijn verdiende straf krijgen want ik weet wat ieder van hen misdaan heeft.)O Bakelandt rechtstoend in de zale wos er toen geen geruchte meer. ’t Mosten d’er tweeëndertig de kop ofgedon worden. Dat wos allemale te Brugge. De reste èn ze toen gestraft voor zovele maanden of joren. Bakelandt wos de latsten van ollemale, Simpelaere wos de voorlatsten. ’t Er wos mor een die schreeuwde. Simpelaere zei: "Je moet nu niet schreeuwen want je schreeuwde ook niet als je moordde!" O ’t Simpelaeres toer wos van nor ’t schavot te gon zeiten tegen Bakelandt: "Amant, tot in der eeuwigheid!" (Amant= vriend, want Simpelaere zei nooit Bakelandt). Bakelandt zelved smoorde (rookte) e grote pupe en toen datten nor ’t schavot ging zeiten toeten deen die bij hem stoend: "Hier zie, smoort gij mor die pupe verder want ‘k moeten d’rik nu nor toe."Bendeleden:- Bakelandt en Simpelaere: dat woren twee wezen. Ze woren olle twee van ’t zelfde jor. ‘k Geloven dat Bakelandt van Moorslee wos.- De twee Busschaerts: dat woren twee Staânaars, vader en zeune.- Pee Bruneel: den deen wos van ol de kanten van Langemark.- De Schout: bijname van de bende.- De twee Verplanckes: de twee zagers genaamd, omdat z’olle twee zagers woren van stiel. Ze woren van Hooglee.- Colbert: den deen verkleedde en maquilleerde Bakelandt. Enn’e Schuwe Pier dood geschoten in zijn eigen huus. Schuwe Pier wos in ruze gekommen met Bakelandt. De ruze ontstoend deur ’t feit dat Colbert goed koste mouwefrotten (vleien) bij Bakelandt. Ozo had Colbert tamelijk vele te zeggen. Schuwe Piers wuuf moste ’t bloed wegvagen. Schuwe Pier wunde ol de kanten van Moorslee. Z’an dor verschillige cafés oender ander de "Koolbrandershoek" en de "Vier Kaven".- ’t Wos dor ook e mischge van zestien jor oed. Ze wos zij tien keer negen ’t lief van Bakelandt. Ze wos d’eerste de kop of, want ze wos zij eerst ofgewezen geweest van Bakelandt.Mijn vader vertelde dat ollemale en hij had dat zelve horen vertellen van Saten Colle (Charel Dubaere), van de Grote Veldstraat te Staân. Mijn grootvader, Saten Colle, deed nieten anders dan vertellen. Enne ging hij roend om te vertellen overal in ’t roende, enne wos daarvoren betaald. Otten begoste vertellen woren me wieder toen stief gepijnd en we durfden niet meer buten gon.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Bakelandt, Simpelaere en De Zot moesten vluchten voor de politie van Roeselare. De rovers verborgen zich in een geitenhok langs de grote weg naar Hooglede. Even later werden de rovers omsingeld door politieagenten met sabels. Bakelandt greep de sabel van één van de agenten vast, brak die in twee en gaf de stukken vervolgens terug. Daarna sprak hij tot de agent: "Nu mag je me vastbinden en mijn gezel ook!" De rovers werden naar de gevangenis van Brugge gebracht. Tweeëndertig rovers van de bende van Bakelandt werden onthoofd. De anderen kregen een gevangenisstraf van vele maanden of jaren. Eén van de rovers huilde toen hij op het schavot stond. Daarop riep Simpelaere: "Je moet nu niet huilen, want toen je moordde heb je dat ook niet gedaan!" Simpelaere was de voorlaatste die onthoofd werd. Vóór zijn terechtstelling sprak hij tot Bakelandt: "Amant, tot in de eeuwigheid!" Bakelandt was als laatste aan de beurt. De pijp die hij rookte toen hij op het schavot stond, gaf hij aan één van de omstaanders met de woorden: "Rook jij die pijp maar verder op want ik moet er nu naartoe".

S. Top, Leuven, 1964

4. Historische sagen

west-vlaams (vrijbos)

14H

fabulaat

Bakelandt
Simpelaere
De Zot
Pietje Fien
Groefs

Staden    Staden   

Hooglede    Hooglede