MDESC0098_0098_15033 - Heks doet vrouw verdwalen

Me moeder, a ze nog in de Briekedreve wunde, wieder wund’n toene dao nog, ze gienk e ki nao ’t oge, nao Tante Madeleines. En o ze daor e bitje ewist adde, ze kwam were om naor uus te gaon, ol de Zwitsersche Route. En ze gienk, en ze gienk, en ze gienk ziej, ossan mao mao reke deure, mao ze voend neur weg nie mi. En oze z’an de beke kwam, verkende ze neur, gauw, ze verkende neur weg. En ezo e ze thuus erocht. Z’adde vier eur’n up roete ewist, en ’t is oltegaore vuuf menut’n verre. En o ze ’s angerdags nao ‘ wienkeltje gaot, passirt ze bie Cille Glorie’s, die in ’t deuregat zat. En de die zei: “Maslientje, e ’t wel egaon, gister’n, om te wangel’n”? En ezo wiste ze da d’anger neur betoverd adde, eni.

SINSAG 0540 - Hexe führt irre    SINSAG 0540 - Hexe führt irre   

Een vrouw ging op bezoek bij haar zus die vlakbij woonde. Toen de vrouw terugkeerde, raakte ze echter verdwaald. Vier uur lang was ze onderweg, hoewel de wandeling normaal maar vijf minuten duurde! Toen de vrouw bij de beek kwam, kon ze zich weer oriënteren. De volgende dag ging de vrouw naar de winkel. Onderweg zag ze een buurvrouw bij haar deur staan, die sprak: "Is het gisteren wel gelukt om te wandelen?" Op dat ogenblik besefte de vrouw wie haar de vorige dag had betoverd.

M. Deschrijver, Gent, 1961

2.1 Heksen

west-vlaams (poperinge en omstreken)

190

Moeder van de informant

fabulaat

Poperinge    Poperinge