JVENK0173_0174_10231 - Geest van een dode voorzegt zijn zoon dat hij gaat sterven

Dat is ouch ech gebäörd, ich weit dat het in Duitsland gebäörd is. Mie groetmoeder haet het mich ouch al vertèld. Dat wuore bureauminse, minse die op ene bureau zuoten en dat waas zoe buove, buoveverdepingen in de stad, groete lokale woe die allemaol zuote te tippen en te sjrieve. En in eine kiêr, het waas klaor daag dat ze dao zuote te wèrke, dow piepde get, zjus al wen ‘sde (als wanneer) mèt ene nate vinger uever de roët geis (gaat), "piep" zoe. En dae mins kièk op, ja ze kièken allemaol. Of ze het gehuurd hauwen of dae mins allein weit ich neet mier zjus. En eine mins woer krietwit en iè stong op en gaeng kieke. "Maa waat is dich?" e bitsje daonao, endow daeg iè zoe en wachden iè. "Me vader is mich versjiène", zag er, " aan de vinster, en dae zaet dat ich binne de veerentwintig ore sterve moot. Me vader is mich versjiène". "Maa zwake, de höbs dich get ingebeeld en dat is neet. Flauwe!" "Ja", zag dae mins, "ich moot heives guon, ich moot oetsjeië (uitscheiden), ich kan neet mie hiej blieve." Iè waas hiêl van de kar. Biej hun gekomme, dat aan z’n vrouw vertèld. "Ja", zaet die, "bleif maar hiej, blief maar bènne, gank maar neet eweg." Dae mins bleejf (blijft) biej hun, get rondgeloupen en al ins get rond buove geloupe. Die woenden ouch buoven op verdepinge. En iè geit ins in de balkon en iè stuit in de balkon en "klats" de balkon bruk (breekt) aaf … morsdoed dae mins. Ze vader waas hem dat komme zègge. Iè meusj zich gereid make. "Jong, maak dich gereid", zaet er, "want binne de 24 ore mooste sterve."Woe het now gebäörd is dat bèn ich vergiète. Ich geluif dat het in Duisland gewaes is.

SINSAG 0450 - Andere Tote spuken.    SINSAG 0450 - Andere Tote spuken.   

In een kantoor in Duitsland hoorde men overdag plots een geluid alsof iemand met een natte vinger over de ruit wreef. Eén van de mannen ging kijken en werd lijkbleek. "Mijn vader is aan mij verschenen", zei de man, "en hij heeft mij gezegd dat ik mij moet klaarmaken, want dat ik binnen vierentwintig uur zal sterven". De man ging snel naar huis en bleef angstvallig binnen. Onrustig liep de man rond. Toen hij een kijkje ging nemen op het balkon, brak de leuning af. De man viel naar beneden en was dood.

J. Venken, Leuven, 1968

1.4 Luchtgeesten

limburgs (maasvallei)

157

Grootmoeder van de informant

fabulaat

Stokkem    Stokkem   

Duitsland    Duitsland