JVENK0110_0111_10144 - Vat hem

Vreuger meusjte de minsen allemaol hiej nao de auw kèrk komme. Op den Uelentak woende Nieuwendorp. Het waas in de weinterdaag dow vroer het versjrikkelik hel (hard). En die kaome van den Uelentak aaf zoe uever de auw brök. Zoe meusjte die hiej uever het kerkvootpaad komme - dat hèt now nog kerkvoetpad - en dat luip van aan de auw kèrk zoe hiej langs op, zoe achter Driek Moers duor uever de Kleine Kejert - dat is dao woe Baer Quix woent oet de Boeje - en dan luip dat zoe achter Lemmens duor nao d’n Uelentak. En d’n Uelentak lig hiel aan ’t zeinkfabrik maa op Dilser grondgebeed. Dao woende ene hier op inder-tied en dae hètde De Nieuwendorp en dae hauw ene knech dae hètde ze Diepers; dat is ’n stam van Dilsen. Op ene zièkere kier hauwe ze dao e wiljd verke waargewuore dao, en dae Nieuwendorp zag: "Koste ver dat maarkriege". Iè hauw het toch zoe wuud gebrach dat er zich ’n stèlling hauw gemaak tösje twie denne, wie er omtreinjt wosj woe het kaam dat wuore niks as bös dao, now nog - en dao hauw er in geziète, driej ore, mèt het gewière gelaje mèt koëgele. Dow huurden iè het knorren en dow sjuot er en iè sjuot hem kepot. En dow waas er aafgekomme, iè waas stief van de kauw. Dat waas op ene zaoterdeg. ’s Mörges meusjte ze van de Uelentak nao de mès guon, weinterdaag. Dao waas altied get waat ronddrejde en roësjde (ruiste). Dow meinden die dat iemen achter hun zaat omdat dae op dat wiljd verke gesjuoten hauw, en die aan ’t loupen en dao waas ein die hauw zich doedgeloupe. Die meinden altied dat eme (iemand) zag: "Vattem, vattem, vattem…" Dat wuurd ouch vertèld van gètte, maa hiej waas dat het geval mèt bössele hei.

Op een ijskoude zaterdag ging een man te voet van de Uelentak (?) naar de kerk van Dilsen. De man hoorde de hele tijd een vreemd geluid. In de overtuiging dat er iemand achter hem aan zat, begon de man sneller en sneller te lopen. Daardoor hoorde de man steeds sneller roepen: "Vat hem! Vat hem!"

J. Venken, Leuven, 1968

1.5 Plaaggeesten

limburgs (maasvallei)

77

fabulaat

Dilsen    Dilsen   

Uelentak (?)    Uelentak (?)   

Dilsen    Dilsen