MDESC0162_0162_15192 - O.L. Vrouw van Sint-Jan doet de ommegang alleen

Ja, j’e toen, nateurlik, de legende; lik nu, Oenze Vrouwe, ’t meug o zo vele rèn’n of da ’t wilt, ze gaon der oltied mei uutgaon, en de procesje gaot oltied uut, eneeje, Pop’rieng Ommegank gaot oltied, nu. Mao, vroeger, ’t wos e keeje da ’t stief rènde. En, nateurlik, de priesters kwam’n t’akkoord om nie uut te gaon, omdat Oenze Lieve Vrouwe dao stoeg mi neur schoen kleers an, en mi ol neur goedewerk. En ze liet’n Oenze Lieve Vrouwe in Sient-Janskerke, nateurlik. Nu, ’t wos gin Ommegank edaon, dat wos uut esteld. En , bienst d’n nacht, nietteg’nstaonde da ’t ossan slicht were voortbleef en da ’t rènde, adde Oenze Lieve Vrouwe ollene uutegaon. En ’s anderdags zag t’n, menere paster van Sient-Jans, nateurlik, da Oenze Lieve Vrouwes kleers nat waor’n, eneeje, van oender, en vuul. En ze kwam’n toe ’t besluut dat Oenze Lieve Vrouwe ollene uutegaon adde. En da dat, en da ze wilde daomi zegg’n, da ’t g’liek wuffer were muste zien, en rèn’n o zo vele of da ’t wilde, da ze toch oltied de procesje most’n laot’n deuregaon. En van sederdien, ’t meugt were zien da ’t wilt, gaot de procesje oltied deure.

SINSAG 0191 - Der Meineid    SINSAG 0191 - Der Meineid   

Op een dag werd in Poperinge de processie afgelast omdat het te erg regende en omdat men niet wilde dat de mooie kleding van het Mariabeeld vuil zou worden. Hoewel het regenweer aanhield, is het Mariabeeld die nacht alleen op pad gegaan. De volgende dag stelde de pastoor van de Sint-Janskerk immers vast dat de kleren van het beeld helemaal vuil waren. Sindsdien heeft men de processie nooit meer afgelast, hoe slecht het weer ook was.

M. Deschrijver, Gent, 1961

5. Sagen - Legenden

west-vlaams (poperinge en omstreken)

351

fabulaat

Sint-Janskerk (Poperinge)    Sint-Janskerk (Poperinge)   

Poperinge    Poperinge   

Poperinge    Poperinge