ACORN0129_0130_12084 - Van de schipper die betoverd was

Bie zoverre dan ik van e zekeren Aspeslagh, e visscher die voarde en die mêns aad alle tegenslagen van de wêreld. ’t Was z’n eigen schip, stief katteliek, awor, ê j’aad ol de tegenslagen van de wêreld. Bie zoverre datten soms in zèè e zwoane zaag zwemmen, gelik of da j’ier in den of êt. Zo die zwoane kwaam tegen de boord, zo ze verschuwden ziender dadde en da wilde mo nie weg goan. Tot op e zekere kèè datten e sleep deide op ze visscherie en ter zat toar mor èèn toenge in, e groten, jüste ’t vel over de groate. Zo nateurlik, j’êt da toa were over boord gesmeten. En osten ton thüs kwaamde, je gienk ton no de paster, je gienk ta gon zeggen. En e paster zei: “Ewêl, je zie gie beëkst gewist. Aa j’em in ’t vier gesmeten, ewor, die ekse gieng verbrand gewist ên.” Zo die paster êt em ton belezen, wiewoater en ollegoare meegegeven.Zo j’is ie ton nateurlik were in zèè gegoan. Mo da was nog assan ’t zêlfde. Z’ên em tonne e krüsjebeeld gegeven, voer an ze korre t’ angen. Ton is da mo stilletjes an, stilletjes an verbeterd awor. Enne zo êtten ie toen nieks mi gewoare geworden.

SINSAG 0580 - Andere Hexenkünste    SINSAG 0580 - Andere Hexenkünste   

Een schipper had altijd ongeluk wanneer hij op zee was. De man zag zwanen op het water, die dichtbij het schip kwamen en maar niet weg wilden. Toen de schipper op een dag zijn visnetten binnenhaalde, zat er maar één tong in. Omdat de vangst veel te pover was, gooide de schipper de tong terug in zee. Daarna ging de man naar de pastoor, die zei: "Je bent behekst. Als je die tong in het vuur had gegooid, dan zou de heks verbrand zijn geweest. De geestelijke heeft de schipper dan overlezen en hem wijwater gegeven. De man had echter nog steeds veel ongeluk wanneer hij op zee was. Hij kreeg van de pastoor een kruisbeeld om aan het visnet te hangen. Na een hele tijd is er verbetering in de zaak gekomen.

A. Cornelis, Gent, 1958

2.1 Heksen

west-vlaams (kust)

61

fabulaat

Oostende    Oostende