CDEWA0171_0172_16028 - Bespookte hoeve te Nieuwmunster

M’n grotmoeder was van Wendune, ’t was ’n boerderietje. De menschen moesten vroeger under beesten drieven no de mart van Brugge. Da makt daj van Wendune ol over Nieuwmunster no Brugge moest met de beesten. M’n voader was ton joenk en gienk mee om beesten te drieven. Ze woaren ol in tieden (vroeg) voart om bie tieds op tijd) ip de mart te zien. Ze kwamen an ’n hofstee an de kant van Nieuwmunster. ’t Weunde dor ’n boer Keyser. Oj do vroeg in de nacht dost passeren stoend da vul luchtjes ip de balie, ’t ene nevens ’t ander, ’t woaren lik kèèsjes. On ze dor passeerden met de beesten, zeien ze: "Me zien vroeg want Keysers luchtjes branden nog”. Da stoend do en brandde ol van ’t zelfs. ’t Gienk dor ’n ki ’n boer en ’t was ’s avends en ’t lagen do zoveel schone kachteltjes (veulentjes) in de weie. "E wel”, zei ’t ie, "Boer Keyser, mo gie è wel schone kachteltjes”. Boer Keyser zei: "O, ‘k èn da vele keers, zo’n schone kachteltjes”. Mo je sprak do nie vele over. ’s Nuchtends woaren z’oltied weg. Da woaren gezoende kachteltjes. J’had ton e ki vele miseries met de beesten en je gienk nor de paster en zei: "’t Got ol tegen ip ’t hof”. De paster zei: "’t Is lastig, mo ‘k kunnen mor één diengen zeggen: tracht gie oender mekoar stief goed overeen te komen, mak dat er gin oenenigheid is. Ton èt die spokerie de macht nie mè”. En van ton of was ’t gedoan met de tegenslagen en de spokerie ip da hof.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Een boer en een boerin uit Wenduine dreven hun veedieren langs Nieuwmunster naar de markt van Brugge. Toen de boer en de boerin onderweg zagen dat er nog lichtjes branden bij een bespookte boerderij, wisten ze dat het nog heel vroeg in de ochtend was. Bij die boerderij lagen 's avonds ook altijd mooie veulentjes in de weide. 's Ochtends waren die veulens altijd verdwenen. Op een dag ging de boer van de bespookte boerderij te rade bij de pastoor omdat hij zoveel ongeluk had. De geestelijke sprak tot de boer: "Het is vervelend, maar ik kan je maar één raad geven: zorg dat jullie onderling goed met elkaar kunnen opschieten, dan heeft de spokerij geen macht". Daarna heeft het niet meer gespookt op die boerderij.

C. Dewaele, Leuven, 1967

1.4 Luchtgeesten

west-vlaams (oostkust)

231

Grootmoeder van de informant

fabulaat

Westkapelle    Westkapelle   

Nieuwmunster    Nieuwmunster   

Wenduine    Wenduine   

Brugge    Brugge