PKNAB0489_0490_6941 - Heks "vermoordde" kind

PK: en van heksen, heb ger dao toch ouch van gehuurd zeker?Jao mer dao woar veul gefantezeer bij. Dan zagten ze dat ’n auw vrouw ’n heks waor es ze nao e kiendsje gebiërde en zoë van dat ollemaol. PK: En zou dat dan toch neet bestangen hebben?Jaowâl, mer neet zoëveul es dat ze zagten. Mij vader dèi hèit dat zeleven vertèld, en dat het ’n echde heks waor. Die haw kènger (kinderen) vermaord, die haw dat gedoon. (PK: allè?) Jao, die raakde ze aan en dan storven ze.PK: oh zoë, op die maneer)Oh jao, wat anders hé, … die haw bovennatuurlike mach, die kosj miër as enen angere. Es die e kèndj aanraakde, en ze wolj (wou) dat, woor dat kènjd krank (ziek). Die haw dat mèt verscheiene zoë gedoon. "Kènger, wach uch veur die", zag de vader dan altijd. PK: oh die heb geer dus nog gekènd?Jao, die heb ich nog good gekènd. Die is pas gestorven wie ich in de twintig waor….PK: En die waor hie van Uukeve?Nei, die woënde hie, mer die waor eigelik neet van dees kanten âfkumstig, die keem van hoëgeroppes (hoger op), van Zichen-Zussen of dao erges, ze haw ouch get den tóngval van dao. En dat haw eigelik iërs niemend door, mer dów zag dat ene kameraod van de vader, dèi zag dat tegen de vader. Mer ver mochten dao geine kal van maken, zag er tegen ós, mer ver mósjten heur gewoën mijen (mijden).PK: en haw die kènger beheks?Jà, dao mochten ver geine kal van maken. Ich zèg dat nów tegen uch, mer dao leven nog femilies van. PK: jao mer dat kump toch neet wijer.Jà, dat waor ’n weef hé, en die ging euveral vraogen veur werk, niëjen (naaien) en schróbben en zoë. En op e paar plaatsen woë ze gewèrk haw, woor ènigten tijd d’rnao e kènjd krank, en dao zijn d’rs … drij dat ich weit, allè van de vader dan, drij gestorven. Dao waor niks miër aan te doen, die gingen doëd. Jà, is dat dan, … dat is toch zoëveul as vermaorren hé?PK: hm. Mer haw zij gezörg dat die dat kregen?Hao jao, die reikde altijd nao kènger. Die mósj dao altijd zoë ins aankomen. En dów haw dat eine naogehauwen, en dów waoren d’r al drij doëd van luj woë zij gewèrk haw. Mer kijk, ech zeker waors-te dao noëts van hé, bewijzen kosjten ze hun noëts niks. Mer het waor toch zoë uit’komen…

SINSAG 0580 - Andere Hexenkünste    SINSAG 0580 - Andere Hexenkünste   

Oude vrouwen werden er vaak van verdacht heksen te zijn. Wanneer een heks een kind had aangeraakt, kon ze ervoor zorgen dat het kind ziek werd. De heks die in Uikhoven woonde, had zelfs een kind doen sterven. De heks probeerde altijd in de buurt van kinderen te komen. Op de plaats waar de heks had gewerkt, waren al drie kinderen gestorven.

P. Knabben, Leuven, 1970

2.1 Heksen

limburgs (maasvallei)

U/VII/440

Vader van de informant

fabulaat

Bandopname beschikbaar, maar van slechte kwaliteit

Uikhoven    Uikhoven