MDESC0115_0116_15079 - Tovenaar doet iemand verdwalen

En wel Mie lekend, wi. Vor d’n eest’n oorloge, en achter d’n eest’n oorloge nog. Dat wos en oed’n man, en e kuste wel weg. E wos vor d’n eest’n oorloge e keeje te Valère Zittes, te Gust’n Zittes op d’n mart, dat ’n e glas bier droenk, d’n zundag, lik vele. En ’t wos ezo gin grot’n blageur. En ’t kam’n d’r dao binn’n die lacht’n dermei. En ze zein: “Eneeje, Miel, je zie giej e toveraore? Eneeje, Miel je ku giej etwot”? Mao Miel e gebaorde nooit dat ‘n ’t oorde. En ’t wos daor e gebeur van tulders, die bie, die derbiej weunde. En o ’t twove wos, e zegt: “Miel, ’t is twove. Me gaon naor uus, eni”? “Gao giej mao”, zei Miel, “naor uus; ‘k gaon ik achter komm’n. En ‘k gaon ik nog e glastje drienk’n, en ‘k gaon ik meschien eer tuus zien of gie”. En dien vent gieng deure. En dien vent gienk ossan. En Miel gink deure, en e droenk ze glas uut, dat ‘evraogd adde. En a Miel tuus kam, e gienk nao ze bedde. En d’n anger’n gienk nog ossan. En ’s angerdags ’s nucht’ns, t’n zessen, att’n wiste wao dat ’n wos, en adde g’heel d’n nacht egaon, zukke druppels ezwit, en e stoeg up de Pèrdemart. En adde nie tuus erocht. En add e bitje elach’n mi Miel, omda ’t e toveraore wos. Mao Miel, iej wos nie vele van klaps of van zegg’n; dat wos e fraoi’n still’n vent.

SINSAG 0667 - Zauberer führt irre.    SINSAG 0667 - Zauberer führt irre.   

Op een zondag zat een grappenmaker in een café een glas te drinken. Toen een man uit het dorp in het café binnenkwam, sprak de grappenmaker spottend: "Wie we hier hebben! Onze tovenaar! Men zegt dat jij kan toveren!" De tovenaar deed echter alsof hij niets hoorde. Om middernacht sprak de grappenmaker tot de tovenaar: "Het is twaalf uur. Zouden we niet naar huis gaan?" Daarop antwoordde de tovenaar: "Ga jij maar, ik kom zo dadelijk wel. Ik ga eerst nog een glaasje drinken, en dan ben ik misschien nog eerder thuis dan jij". Even later ging de tovenaar naar huis en kroop in zijn bed. Om zes uur 's ochtends was de grappenmaker op de Paardenmarkt aanbeland; de tovenaar had hem doen verdwalen omdat hij met hem had gespot.

M. Deschrijver, Gent, 1961

2.2 Tovenaars

west-vlaams (poperinge en omstreken)

236

Vóór WOIWOI

fabulaat

Poperinge    Poperinge   

Paardenmarkt (Poperinge)    Paardenmarkt (Poperinge)