STOP0379_0380_21731
Een sage (mondeling), 1964
Hoofdtekst
Bakelandt leefde in de busschen van Wijnendale toet an Brugge. Die Bakelandt ééd hier stief gewareerd in Ichtegem, Koekelare, Werken. In Edewalle wos er èn hof wor dat’k oltijd geweund één. Babbe Sparre zei oltijd tegen Willaerts: "Je gaat nooit niet van Bakelandt misdon zijn." Ze ging zij oltijd bij die Willaerts eten en slapen. ‘k Geloofde dat ze zij etwor weunde in èn huzige up de Reiger. Ze ging zij gon spioneren om te zien wor dat er etwor welstellend volk wos om in te breken. ’t Is mor ol dat ‘k ik één horen vertellen van mijn oeders. ‘k Geloven dat Bakelandt niet vele gemoord hèt éét. ‘k Geloven dat Bakelandt sliep in e bedde die oender de duker hing in de Steenstrate tusschen Zillegem en Brugge. Ik peinzen dat Bakelandt meest gewrocht hèt éét ol de Steenstrate van Ieper nor Brugge. Z’één ollemale uphangen geweest up ’t Galgeveld bij Brugge. ’t Is dorom dat ze dat veld ’t Galgeveld noemen. W’één dat ollemale hoord o me wieder vluchtten nor Brugge binst den oorloge. ’t Eén d’er in de twintig gehalsrecht geweest. Z’an dor e Babbe Stute bij ook. Mor Babbe Sparre wos den rechtern hand van Bakelandt, ol hier toch in de streke.
Onderwerp
SINSAG 1320 - Andere Räubergeschichten. 
SINSAG 1320 - Andere Räubergeschichten. 
Beschrijving
Bakelandt vertoefde in de bossen tussen Wijnendale en Brugge. De bende van Bakelandt was actief in Ichtegem, Koekelare en Werken. Een vrouw ging altijd slapen bij een boer in Edewalle en sprak tot de boer: "Jij zal nooit last krijgen met de bende van Bakelandt". Die vrouw werkte namelijk voor de bende van Bakelandt; ze ging overal spioneren om te weten te komen welke mensen geld in huis hadden. Bakelandt heeft niet veel moorden gepleegd. Hij sliep in een bed onder een duiker in de Steenstraat tussen Zillegem en Brugge. De rovers van Bakelandt werden allemaal opgehangen op het Galgeveld bij Brugge. Twintig rovers van Bakelandt werden gehalsrecht.
Bron
S. Top, Leuven, 1964S. Top, Leuven, 1964