LCUMP0327_0327_14740 - Straf door toverij of de 'Bloedhondsage' van Zedelgem

Langs de boane van Zedelgem nor Ertrieke (Aartrijke) is ’t er dor ’n hof en da’s Adrioans die dor ip weunde. Mo[l] ol in den tied van Napoleong woaren dat de Adrioansen. En een van de dee was ton schepen van de gemeente. Mo je wit (weet), da Napoleong ton soldoaten noadig had en da woaren boerezeuns meestol dien mosten iptrekken. Zo, je wierd ie stief benied (zeer benijd) omdat den een wel en den anderen nie ha’ moeten goan. En os (als) dien Adrioans doad gieng, hatten acht zeuns. Binst de nacht wierd er dor ’n brieftje gebrocht worip (waarop) datter stoend dat de kiste most gedragen worden deur de zeuns. En langst de weg hoarden z’oltied gebokker (gebots) tegen die kiste en os z’hem nerezetten an de kerke, hoordegen de mensen ’t ook en ze peisden dat er steên in de kiste zaten.Moar nu, in ’47 was dadde, wierd de kerke verbouwd en ’t was ’n meur boven da graf van dien Adrioans die moeste weggedoan worden. En ’t was een van die Adrioansen die ton burgemeester was in Zedelgem en je lette wel ip die kieste, moar s’he’n ze toch open gedoan en ’t zaten steên in. Ha ja, je was ie oenrechtvoardig gewist in zen leven en da’s do deure gekomm’n.

Op de weg van Zedelgem naar Aartrijke woonde een boer die acht zonen had. Die boer was oneerlijk geweest door ervoor te zorgen dat zijn zonen niet naar het leger moesten gaan. Toen de boer was gestorven, moesten zijn zonen de doodskist dragen. De mensen die meegingen met de begrafenisstoet, hoorden geluiden uit de kist komen. Het leek wel alsof de kist met stenen was gevuld. Toen de kerk in 1947 werd verbouwd en enkele graven moesten worden verplaatst, ontdekte men dat die doodskist inderdaad met stenen was gevuld.

L. Cumps, Leuven, 1965

3.1 Duivels

west-vlaams (z van brugge)

404

Ten tijde van Napoleon

fabulaat

Sint-Andries    Sint-Andries   

Aartrijke    Aartrijke   

Zedelgem    Zedelgem