ACORN0104_0105_12047 - Jong meisje door heks betoverd te Oostende

Zelfs ên ik nog vernomen; da was e meisje die bie ’n Jood werkte. En da meisje nateurlik, da was e küsvrouwe, die ton nateurlik bezwit was. En die joengen wilde da meisje ên, en ze wilde zei van die joengen nie weten. Zo z’aad zie nateurlik deur de warmte eur korsee ofgedoan. En di joegen êt kannen die korsee bemachtigen, is doamee no zoeie eks gegoan enne êt da nateurlik loaten belezen. Bizoverre da ’s aves woa da ta meisje weunde, en dat is in die stroate woa da de Drapeau Belge is, voe no de koaje te goan, j’ê toa nu e schole, wê da was e groot gebouw - de name van da gebouw en ‘k vergeten - en da meisje weunde doar etwoa op ’t èèste of op ’t widde. En ’s aves zagen ze zieder da meisje de meuren opvliegen awo, da’se beëkst was. En volgens dan ‘k ton vernomen ên, was da ’n ekse, die doar op da zwèèt van da joenk werkte met e kêese, mê spellen en allemalle doar in gestoken awo, en dan z’azo de mênschen takineerden of beëksten. Zo ze gieng nateurlik ook no de paster, enne wiewoater op de dorpel van de deure gesmeten awo, en ’t kruusbeeld gemakt, mê ta woater, da die ekse nie mi zoe binnen kannen. Mo da was toch gin avaance, aangezien daan ze ’t zwèèt aan van da joenk. En dat êt e lange tied gedeurd, toe da ta deur de tied verdwenen is.

SINSAG 0580 - Andere Hexenkünste    SINSAG 0580 - Andere Hexenkünste   

Bij een jood werkte een poetsvrouw. De jood was verliefd op de vrouw, maar zij wilde niets van hem weten. Op een dag had de vrouw haar korset uitgedaan omdat ze erg bezweet was. De jood had het kledingstuk weten te bemachtigen en ging ermee naar een heks. Door kaarsen te branden en met spelden in de korset te steken, kreeg de heks de vrouw in haar macht. Uiteindelijk liep de vrouw tegen de muren op van ellende. De vrouw ging naar de pastoor, van wie ze wijwater kreeg om kruistekens over de dorpel te maken. Dat hielp echter allemaal niet, want de heks had veel macht over de vrouw doordat het zweet in de korset was gedrongen. Na een tijdje is er vanzelf een einde gekomen aan de beheksing.

A. Cornelis, Gent, 1958

2.1 Heksen

west-vlaams (kust)

24

fabulaat

Oostende    Oostende