MDESC0158_0158_15188 - Onze Lieve Heerkensbos

J’e toen oek nog ier in Pop’rieng, de legende van ’t Oenzenirtjesbus. Ze noem’n dat, ja, ’t Oenzenirtjesbus; de heel oede mensch’n zein: ’t Oenzenirtjesbomtje. Mao dat e toen veranderd lik, de jeugd zei meer: ’t Oenzenirtjesbus, omdat er vroeger dao nog e groo bus ewist adde. En ’t staot dao nu nog dien grot’n boom. En da kapelletje die dao staot, waovan dan ze nog zegg’n ’t Oenzenirtjesbus. En in dien grot’n boom, die dao nu nog staot, bewèr’n ze da dat Oenzenirtje, die nu in ’t kleen kapelletje staot, da dat dat Oenzenirtje wos, die in dien boom evoeng’n ewist ed. En die mensch’n, die dao toen dao juuste achter wund’n, dat is dien broer van dao die dat evoen’n adde, droeg datte nao d’n paster van Onze Vrouw’n, toen in dien tied nateurlik. Enne ze zett’n dat Oenzenirtje in de kerke. Mao ’s angerdag ’s nucht’ns, o dien boer nao z’n akkers gienk, voe te werk’n, zag t’n iej dao were dat Oenzenirtje. En e nam were dat Oenzenirtje, en e droeg dat beeldje were naor Onze-Vrouwkerke. En ’s anderdags, ott’n were nao z’n akkers vertrok, wos dat Oenzenirtje dao nog e keeje in dat bomtje; en dat wo toen nateurlik nog mao e kleen bomtje; dat is nu e grot’n boom, mao dat wos toen nog mao e kleen bomtje. Enne deur da datte in e dienk wos, in e bus, eneeje; ja, dat wos toen daor ol bussage, eneeje. En e goenk daomi nog e keeje nao menere paster, eneeje, van Onze-Vrouw’n. En toen zien ze toe ’t besluut ekomm’n, da dat wilde, dat er dao most’ e kapelletje ebouwd zien, voe dat Oenzenirtje d’r in te doen, dat ’n iej wilde per force e kapelletje ên. En z’ên toen daor e kapelletje emakt, die nu ’t kapelletje is, ’t Oenzenirtjesbomtje of ’t Oenzenirtjeskapelletje, lilk of j’ ’t nu wilt noem’n.

SINSAG 0131 - Die Entstehung der Hügel    SINSAG 0131 - Die Entstehung der Hügel   

SINSAG 0092 - Nächtlicher Reigentanz der Erddämonen    SINSAG 0092 - Nächtlicher Reigentanz der Erddämonen   

In het Onze Lieve Heerkensbos in Poperinge stond een dikke boom waarover men vertelde dat het Christusbeeld dat later in de kapel werd gezet, daarin had gestaan. De boer die het beeld had gevonden, had het naar de Onze-Lieve-Vrouwekerk gebracht. De volgende dag stond het beeld er echter al opnieuw, waarop de boer het weer naar de kerk bracht. Toen de boer het beeld voor de derde keer naar de kerk moest brengen, vertelde hij aan de pastoor wat er aan de hand was. De pastoor besloot dat het beeld wellicht een kapelletje wilde en liet er één bouwen.

M. Deschrijver, Gent, 1961

5. Sagen - Legenden

west-vlaams (poperinge en omstreken)

346

fabulaat

Onze Lieve Heerkensbos (Poperinge)    Onze Lieve Heerkensbos (Poperinge)   

Poperinge    Poperinge   

Poperinge    Poperinge   

Onze Lieve Heerkensbos (Poperinge)    Onze Lieve Heerkensbos (Poperinge)