STOP0160_0161_21045

Bakelandt wos zuk e vichter enne koste hij hem ossan verduken en ’t koste hem niemand pakken. ‘k En ik dor vele van horen vertellen van mijn vader en mijn moeder. ’t Wos e redelijke bende van e stik of twolve. Den een en den andern viel uut en misklapt’hem toene. Ze dein zieder niet. En o’t avond wos, kamen ze zieder uut ulder holen en ze gingen zieder toen gon plundern. Ze zaten meest ol de kanten van Houthulst en Langemert, Staân, Ieper. De menschen woren niet meer vrij dat ze gingen deur ’t bus. O mijn broers werekeerden van Vrankrijk van de beten, mijn vader ging tegen nor de stosche van Langemert omdatten peinsde dat dat nog niet zeker wos in ’t Vrijbus. Ze peinsden dat er nog weegaarden (afstammelingen) woren in ’t bus. Ze gingen zieder nor ulder schophollen, wor dat z’inschopten o ze peinsden dat er etwien ging up ulder kommen. ‘k Geloven niet dat er dor vrovolk bij wos. En oj ze gijg tegenkomt, zei mijn vader en mijn moeder, want ze gingen zieder uut en bij de menschen, zein ze zieder schone goên dag en ze woren vriendelijk. Mor o’t avond wos gingen z’elk ulder weg en ze gingen toen nor ulder hol, helegans met takken beleid. Z’an zieder e kenteken. En o ze zieder ’s navonds tegore kamen, staken ze zieder dor etwor e schuuflet e’k ik toch oltijd horen vertellen van mijn vader en mijn moeder wè. Zo dat is ook ol lange joren geleên. Z’èn zieder toen hier en dor een kunnen pakken mor Bakelandt, ’t upperhoofd, ed hem nooit laten pakken toet up de latste man. Dat wos toen e wreên tijd voor de menschen. Z’èn z’eigentlik in ’t Vrijbus kunnen pakken. Z’èn toen de kop ofgedon enee? De bende bleef roend lopen en slentern. Ja, z’an ze niet ollemale in e keer enee? De menschen woren schuw wè!

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt vertoefde vooral in de streek van Houthulst, Langemark, Staden en Ieper. De bende bestond uit zo'n twaalf rovers. 's Avonds verlieten de rovers hun holen om te gaan plunderen. De mensen waren zo bang dat ze niet meer in het bos durfden te komen.
Vele jaren later ging een vader naar het station van Langemark om er zijn zonen op te halen, die in de bietenvelden van Frankrijk waren gaan werken. De vader geloofde immers dat er nog afstammelingen van Bakelandt in het Vrijbos zaten.
Overdag waren de rovers van Bakelandt vriendelijk, maar 's avonds kwam hun ware aard boven en trokken ze erop uit om te stelen. De rovers verwittigden elkaar door een fluitsignaal. Na verloop van tijd werden verschillende rovers opgepakt, maar bendeleider Bakelandt werd pas als laatste gevat. De rovers werden onthoofd.

S. Top, Leuven, 1964

4. Historische sagen

west-vlaams (vrijbos)west-vlaams (vrijbos)

81A

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Woumen    Woumen   

Houthulst    Houthulst   

Frankrijk    Frankrijk   

Langemark    Langemark   

Staden    Staden   

Ieper    Ieper   

Vrijbos    Vrijbos