STOP0019_0020_20654

’t Wos ’s achternoens dat ’t begoste sneeuwen. ’t Lag ol wit. ‘k Ging ik toen e wandelingschge maken. ’t Lag dor e stik met klaver tusschen Lietes huus en ’t huus wor dat’k ik wunde. ’t Stoen vele hazepotjes in de sneeuw. En o ‘k ik dat zag dan zei ‘k bij mijzelven: "’k Gon ik hier vanavond werekeren." ‘k Ging toen dien avond. ’t Wos noord-oostenwind. ’t Wos vreselijk koed en ‘k an toen e kapmantel an tegen de koede. Roend ten elven zag’k voor den eersten keer dien haze. ’t Wos nog stief verre. ‘k En toen gewacht toet ten twolvenholf. Dien haze naasde (naderde) oltijd. En otten dichte genoeg zat, schoot ‘k ik. De rook vloog in mijn aangezicht en in platse dat dien haze dood wos, zaten er twee hazen te spelen en ulder te woschen. ‘k Wiste toen genoeg. ’t Wos Liete verdjuu! ‘k Ging toen nor huus en up uus koertje zag ‘k nog die twee hazen spelen. ‘k Ging toen nor mijn broere die ’t schot hoord hadde. "Ejden hèt?" vroegten. "Ninke!" (neen) , zei ‘k ik, "’k èn in tween geschoten." Enne lachte toene met mij mor ne geloofde mij niet. ‘k Wilde hem overtugen. En otten meeging zagten ook die twee hazen spelen en ulder woschen. Enne zei toen: "Hakke (had ik) dat moeten weten, ‘k ging toch niet meegekommen zijn."

SINSAG 0592 - Hexentier kann nicht getroffen werden    SINSAG 0592 - Hexentier kann nicht getroffen werden   

Een man ging op een middag een wandeling maken in de sneeuw. Op een klaverveld zag de man sporen van een haas en besloot 's avond terug te keren. Die avond woei er een gure noordoostenwind. Omstreeks elf uur zag de man die haas voor het eerst. De man wachtte nog een half uur tot het dier dicht genoeg kwam om ernaar te schieten. Even later zaten er twee hazen in de sneeuw te spelen. Op dat ogenblik wist de man dat de haas in werkelijkheid een toveres was. Bij zijn thuiskomst zag de man de twee hazen op zijn koertje spelen.

S. Top, Leuven, 1964

2.1 Heksen

west-vlaams (vrijbos)

9H

memoraat

Westrozebeke    Westrozebeke