JVENK0071_0072_10061 - Ontmoeting met de witte juffrouw

In Mechele langs de steiwièg, tösje Mechelen en Grömmie (Opgrimbie) in, dao waas ’n plaats die hèide de "Geis" (geest).Dao wandelden altied ’n vrouw, ‘ne geis. Dao waas ouch enen auwe mins dae aan niks gelof, maa ene bekwame mins. Iè dronk nogal väöl. Het waas ene smièd. Wièr hauwe café en dao kaem altied biej os in de café. En iè gelof aan niks, dae gong ouch neet nao de kèrk. Dow keem er toch ins op enen aovend biej os in, laat, iè waas zaat. "Ja Engelen" zaet er zoe tiènge me vader, "now konste mich toch zègge waatste wils, maa now höb ich toch den aovend get aan-der-hand gehad, now zouw ich toch e bitsje mote beginne te guon geluive.""Ja, waat höbste dan aan-der-hand gehad?" zag mie vader."Maa, op de Geis dao" zaet er. "Ich ging dao langs de rot (spoor) van den tram op, en ich zag al zoe van alles, ich waas zaat en ich kuijerden al. En aan de wièg nao de knaal opaan woe de Geis dao is, ging op eine kier ’n juffrouw langs mich op: e lang smaal vroumes, in ’t wit, hiel in ’t wit. Ich dènk: "Maa, waat zuuste now? Zouw dat now e vroumes zien of waat zouw dat now ziën?"Maa ze spraek neet. Dow zag ich zoë: "Maa juffrouw, gièr zeet ouch nog laat op!?" Dao antwuordde niemand. En het roesjde (ruiste) onger in dezen tied (herfst) duor de blajer van de buim (bomen). En dow op zièker ougenblik, woe dat oetsjeide dao waas ze van mich aaf. Wie ich gezag hauw: "Maa de bès ouch nog laat op", waas die juffrouw e bitsje verder van mich aaf.Dat waor ene geis, dat waor ene hiele lange, witte, gekleide man of vrouw, zag er.Dae smièd waas dat ueverkomme, want wièr wosjte dat allemaol. Dao dorsj ’s aoves nieme guon rond die oor. Dat waas tösjen èlf en twelf.

SINSAG 0310A    SINSAG 0310A   

Tussen Mechelen en Opgrimbie was een plaats die 'de Geest' werd genoemd. Een smid die nooit naar de kerk ging en in niets geloofde, beweerde dat hij op een nacht tussen twaalf en één uur bij 'de Geest' een witte juffrouw had zien verschijnen. De smid had gezegd: "Maar juffrouw, jij bent nog laat op stap", maar er kwam geen antwoord.

J. Venken, Leuven, 1968

1.4 Luchtgeesten

limburgs (maasvallei)

30

Vader van de informant

fabulaat

Geest (plaats tussen Mechelen en Opgrimbie)    Geest (plaats tussen Mechelen en Opgrimbie)   

Vucht    Vucht   

Opgrimbie    Opgrimbie   

Mechelen    Mechelen   

Geest (plaats tussen Mechelen en Opgrimbie)    Geest (plaats tussen Mechelen en Opgrimbie)