STOP0020_0021_20681

Up Spakke Moermans hof, tusschen Nieuwkerke (Oostnieuwkerke) en Sleyhage, wos er ook vele kwaad. O ’t negen wos van den avond d’hoenden begosten te bassen en ’t wos toen te doene wè. De koeien stoen met ulder achterste in de slieten en de peerden klommen geweldig nor ulder rosteel (ruif) en ’s nuchtens ’t wos ollemale up ulder plekke. ’t Stoend dor èn ast ook. En binst dat z’an ’t sukrejen (chicorei) drogen woren, ’t kwam dor e klokhenne met kiekens uut dat vier. Ze stoend dor e bitje roend te draaien en ze ging toen were ’t vier in. Zijn broere wos de zundagnachte in de cementen sukreiepit gevollen wor dat er e bitje water in stoend. Enn’is dorin verzopen. Dat e gedeurd tot zolange datten dor wunde. De paster die dat kwaad probeerde of te lezen koste geen messe meer doen. An de consecrosche vielten stille enne kost’ook d’absolusche niet geven otten biecht hoorde. Enn’ed hij toen nor Brugge geweest om te rusten want ne koste dat kwaad niet meester. Dat kwaad e dor gekommen omdatten hele dagen vloekte en zweerde en verwenste. ’t Wos èn echte beeste, Spakke Moerman.

Tussen Oostnieuwkerke en Sleihage stond een boerderij waar vreemde dingen gebeurden. Om negen uur 's avonds begonnen de honden er te blaffen. De koeien stonden achterstevoren in de stal en de paarden klommen (?) naar hun ruif. 's Ochtends was er niets vreemds meer aan de hand. Wanneer men cichorei droogde, zag men een klokhen met kuikens uit het vuur komen. De hen draaide rond en ging vervolgens weer naar het vuur. De broer van de boer viel op zondagnacht in de betonnen cichoreiput waar een beetje water in stond. De man verdronk in de put. De pastoor die het kwaad op die boerderij had proberen af te lezen, kon geen missen meer doen. Tijdens de consecratie viel hij stil. Hij kon ook geen absolutie meer geven wanneer hij de biecht hoorde. De pastoor is dan naar Brugge geweest om te rusten. Dat kwaad is op die boerderij gekomen doordat de boer de hele dag liep te vloeken.

S. Top, Leuven, 1964

1.4 Luchtgeesten

west-vlaams (vrijbos)

9K

fabulaat

Westrozebeke    Westrozebeke   

Sleihage    Sleihage   

Oostnieuwkerke    Oostnieuwkerke   

Brugge    Brugge