ACORN0092_0093_12031

“k Zeggen mien moeder - mo da’s vele joaren, ‘k was ook mor e kiend wi, en da’s in Oostende gebeurd wei, echt gebeurd - mien moeder gienk ook no de vülbakken aalsan en z’adde zie ook e sikkeltje mee om te scharten in de vülbakken. Da was ton toegeloaten die joaren ee. Mo nu ’t was doar e vrômens mid e zwarte mantle, “Vroede Stiene” zein ze tegen eur - da’s ier in Ostende gebeurd dadde. En o’se zie an e vülbak kwaam ze smèèt zie die mantel azo over eur en die mantel blèèf schoon liggen wi ê je bougierde nie. En ze was zie vroed op mien moeder omda mien moeder alsan in de vülbakken schartte voor eur ee, doar ook nie assan op peizen ee... Ze smiet zie met eur sikkel no mien moeder: “Go no je kot” zei ze tegen mien moeder “gie vüle teve en gon küst je joengers”. En da zien gin leugens en da’s zo woa, wieder woaren aal joengers - kiek oe lange da ta geleen is misschien zestig joar, aal ’t gunne dan’ vertellen. O mien moeder thüs kwaam wieder begosten te krabbelen achter üs orens, ê je moe nie peizen da’me van die platlüzen nie ’n aan, mo me zaten d’t zwart van, üze klèèren, aal die terwas... van die smêrige rosse. En de zwiens dood in euder kot liggen ’s nuchtens. En daa’s zo echt woa gebeurd of dan ‘k ier an den tafel zitten si en mien moeder is no de witte nunnen gegoan doar in de Kapucienestroate en doar ê mien moeder ton gewied gaald in zaksjes en êt an ieder deure e zaksje gangen. Ze was verplicht. Ze zein assan “Ze kan mèèr of appels broan” en ’t was woar ook.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

Een moeder die in Oostende in de vuilbakken ging kijken, zag een vrouw met een zwarte mantel aankomen, die boos was omdat men haar vóór was geweest en zei: "Jij vuile teef! Ga naar huis en was je jongens!" Toen de moeder thuiskwam, stelde ze vast dat al haar kinderen vol luizen zaten. De volgende ochtend lag het varken bovendien dood in de stal. Daarop ging de moeder naar de witte nonnen, van wie ze zakjes met gewijd kreeg. De moeder hing aan iedere deur zo'n zakje.

A. Cornelis, Gent, 1958

2.1 Heksen

west-vlaams (kust)

8

Omstreeks 1900

fabulaat

witte nonnen (Raversijde - Mariakerke)    witte nonnen (Raversijde - Mariakerke)   

Raversijde    Raversijde   

Oostende    Oostende