Hoofdtekst
Jà, dat gaon ich dich ins zèggen: al wat vreuger verkiërd waor, dat hawwen heksen gedoon. Es kènger krank worden (werden), dan gingen ze nao wât veur 'n vrouw dat de lèsten tijd in 't huis waor gewèis, en dat haw die dat gedoon. (Allè? kènt ger zoë sùoms gevallen?) Jà, mer euveral waor dat zoë... zjus gevallen ... es ze luus (luizen) hawwen of zoë, per eksempel, dan haw dat 'n heks gedoon: tegen ein zagten ze Vlubet, haha! die zat (zette) altijd luus, 'ze is te braaf voor iets anders van haar te kunnen zeggen' zag den auwe pestoër Reipers (?) ins tegen eine, dèi dat tegen heum volheel, dat die dat deeg. PK: oh, en ze schreven ouch nog miër tów aan die heksen zeker?Oh jao, es op de stal e malheur waor, dan waor dat, dat ouch zoë, zoë uitgelag hé, dan waor dat 'n heks gewèis. Och wat zeiver dat ze dao vreuger euver vertèlden!PK.: mer wat zagten ze dao dao dan van? bij uch thuis vreuger woor dat ouch vertèld, dènk ich toch?Mer ich heb dao zelf aan geglof vreuger, neet dat ver zelf get aan der hand g'had hawwen, mer schrik hads-te dów hé, och jumich! Bij ós geloften ze dao in, óze Jeu, dat waor dao ene fèlle in, en m'n auwers ouch, en dan mer euveral päjmkes (palmkes) steken en kruuskes hangen, jà dat is good hé, ich heb dat ouch altijd gedoon, mer die luj degen dat tegen de heksen. Dan kosj gein heks bènnenkómmen, zagten ze. PK: oh zoë?Jao. Mene minsch zaliger, dèi hèit mich dat âfgeliërd: dèi waor ouch hiël braaf en godsvruchtig,K/III: jao, werkelik)'mer wat ze bij uch doon, dat is superstiesje', zag er altijd. Mer, es-te toch altijd aan heksen moos dènken, ... du kosj kómpliët geine minuut miër gerus zijn...
Beschrijving
Wanneer er vroeger ergens iets fout liep, zochten de mensen de oorzaak altijd bij één of andere vrouw die in huis was geweest. Als iemand luizen had of als men ergens ongeluk had in de stal, kreeg ook altijd een heks de schuld. De mensen hingen dan overal palmtakjes en kruisjes om ervoor te zorgen dat er geen heksen meer binnen konden komen.
Bron
P. Knabben, Leuven, 1970
Commentaar
2.1 Heksen
limburgs (maasvallei)
K/XII/285
fabulaat
Naam Locatie in Tekst
Kotem 
Kotem 