CDEWA0160_0160_16005 - Met doel: om kleed en passie van O.L.H. te dragen

Da was ’n riek vrouwmens da stierf. Z’hoalden dor ’n dokteur bie. Den docteur zei: "Z’is doad. Ze moet ineens wa gekregen èn”. Ze wierd begraven te Maldegem os ze twientig euren ip heur bedde lag en ze wierd begraven met ol heur gowerk (gouden juwelen) an. De grafmaker hoarde da zeggen en zei tegen z’n zeune: "Me gon z’uuthoalen en ol heur goewerk afdoen”. Ze giengen no ’t graf, doen de groend weg en z’hoarden kloppen. Ze zagen da vrouwmens heur eigen uut de kiste helpen, ze gieng nor huus in heur hemde en klopte an heur deure. Heur vint zei: "Wien is ’t er do”? "Doet e ki zere open”, zei ze, "’k zien versteven van de koede”. Heur vint dost de deure nie open doen. Mo de menschen van do rechtover riepen dat ie heur moest binnenloaten. En ze liet ’n kleed maken met de passie van Onze Lieven Here. Z’èt heel heur leven da kleed gedragen.

In Maldegem was een rijke vrouw begraven met al haar juwelen aan. Een grafdelver en zijn zoon hadden dat horen zeggen en besloten het lijk 's nachts op te graven. Toen de twee mannen de kist aan het opgraven waren, hoorden ze een geklop. De vrouw kroop uit haar doodskist en ging in haar doodshemd naar huis. Ze klopte aan en riep: "Doe eens open, ik ben bevroren van de kou!" De man deed pas open toen zijn overburen riepen dat hij zijn vrouw moest binnenlaten. De rijke vrouw liet een kleed maken met de passie van Onze Lieve Heer. Dat kleed heeft ze de rest van haar leven gedragen.

C. Dewaele, Leuven, 1967

1.4 Luchtgeesten

west-vlaams (oostkust)

208

fabulaat

Ramskapelle    Ramskapelle   

Maldegem    Maldegem