STOP0063_0063_20766

‘k Gon e keer met e kermesse nor Ardooie up e boerhof. En t’is dor gesproken van ol zukke grappen en ‘k zein ’t volgende: "O’t er e peerd of e mens de bolgpijne hadde, dat dat mor e pink werk wos om dat te genezen." ’t Wos een van de zeuns die dorup antwoordde en zei: "Kamiel, ’t is de letsten dat ‘k geloven." E weke of viere nadien, Stefaan, de telefon gaat hier. En zeggen ze: "Is ’t Kamiel?" ‘k Zein: "Jaa’t". "J’e dor gesproken," zein ze, "van de bolgpijne. Wel, ’t schonste peerd, e prijspeerd, ligt hier met de bolgpijne en z’èn getelefoneerd nor de beenhouwer om ’t te slachten." ‘k Vroegen de name van dat peerd en ‘k zein: "Tegen dat je thuus komt gaat ’t gedon zijn." Mor z’antwoordden dat ze thuus woren en ‘k zein toen: "Tegen dat julder sigarette upgesmoord is, is ’t gepasseerd." Inmiddels komt de beenhouwer binnen voor dat peerd te slachten. Ze gon tesamen nor ’t stol en ’t peerd springt rechte, ’t schudt hem en ’t begunt normaal t’eten lik of dat ’t tevoren at. ’t Wos genezen. Dat is èn erfenisse van moeder. ’t Èn der hoenderden bij moeder geweest om te zeggen: "Romanie, uus peerd e de bolgpijne." En ’t e nooit een weregekeerd om te zeggen dat ’t niet genezen wos. Moeder had gebeden om ’t bloed te stillen; om verbrandheid of te lezen, de woende wos niet genezen moer ’t dei geen zeer meer; om perels van d’ogen of te lezen, je moet eerst ’t gebed lezen en toen blazen lansen de neuze in ’t hoekschge van d’oge omdat de perel zoe d’eruut vliegen; om koorsen of te lezen en om de bolgpijne of kolilek of te lezen. ‘k En ik die gebeden ook. Ze zitten oltijd in mijn portefeuille. O ‘k etwien d’ermee kunnen helpen doe’k ‘t.

SINSAG 0750 - Andere Zauberei.    SINSAG 0750 - Andere Zauberei.   

Een man kwam tijdens de kermis op een boerderij in Ardooie. De man beweerde dat het voor hem geen enkele moeite was om een paard met balgpijn te genezen. De boerenzoon geloofde hem niet.
Enkele weken later kreeg de man telefoon van de boer, die zei dat zijn mooiste paard balgpijn had en dat men al naar de beenhouwer had getelefoneerd om het dier te komen slachten. De man vroeg de naam van het paard een zei vervolgens: "Wanneer je thuiskomt, zal het paard genezen zijn". Toen de boer antwoordde dat hij al thuis was, zei de man: "Wanneer je sigaret opgerookt is, zal het dier genezen zijn". Even later kwam de beenhouwer aan op de boerderij om het paard te slachten. Samen met de boer ging hij naar de stal, waar het paard plots rechtsprong en begon te eten alsof het nooit ziek was geweest. Het dier was genezen.
De man had die krachten gekregen van zijn moeder, die ook kon genezen. De man had die gebeden in zijn portefeuille gestoken.

S. Top, Leuven, 1964

2.2 Tovenaars

west-vlaams (vrijbos)

25M

memoraat

Langemark    Langemark   

Ardooie    Ardooie