JVENK0336_0337_10554 - Heks gedood

Wetder dat ze vreuger op die dörpkes dat ze dao vrouluj die zoe get akelig oetzoege dat ze die doedgemaak höbbe? Wèt ger dat? Ich höb dat hiej in Duitsland nog gelièze. Dat zal toch al ’n hauf jaor gelièje zien en de boere zien toch ingebeelder as enen angere. En dao waas ene jonge boer en dae waas getrouwd en dae hauw zich e vraemd maesje gepak, of het ’n hongaars of e Tsjechs waas, now weit ich het nog neet mier. Het maesje waas dow ingetrouwd. Ja, dow ging dao ’n koo kepot. Achternao ging nogal get kepot en zoe blaef dat mer dore. In Duitsland is dat väöl van hekse dat ze dao aan geluive. Ich höb dao zoe ’n hartpeejn van gehad. Ocherm het waas e jonk vruiwke en het hauw zelf nog e keind. En ze höbben het maesje gepak en ze höbben het zoe geslagen en geduon. Dow zien dao toch naobers nao de polis geloupen en alles, maa wie ze gekomme zien waas het te laat. Dow höbbe ze het vrouwke doedgeslage, z’n eige mins mèt z’n auwers, dat ze zagte dat ze de stal beheks hauw. ’t Is toch versjrikkelik. Dat is väöl gebäörd vreuger, väöl van die biesteriej. En ocherm, mesjien dat dat neet bestuit, dat die minse dao niks aan kosjte doe[n]. Is dat neet?

Een Duitse jongen trouwde met een buitenlands meisje. Omdat op de boerderij al verschillende koeien gestorven waren, werd het meisje verdacht van hekserij. Uiteindelijk heeft men het meisje doodgeslagen.

J. Venken, Leuven, 1968

2.1 Heksen

limburgs (maasvallei)

402

fabulaat

Duits    Duits   

Stokkem    Stokkem