Hoofdtekst
Da’s woa gebeurd weije ’t gèèn dan’k nu nog zeggen. Da was e vertellienge daan ze dein en ter was doar e man an boord, e zekere Vandamme, en je zeit datten van niet benauwd was - me voaren mi zes man ee - van niet, nieten benauwd. Mo nu op e zekere kèè da was, j’en aad ton gin lucht, of ’t was e lucht, de toplucht in de mast en da was doenker ’s nachs op dek. En z’aan gezeid: “Me gon em eki vast ên”. Nu ’t was ’s nachs twoalve, ’t was willen passen da die vint achter de twoalven de wacht krèègd ee, mo z’aan doa nu e gemakte vint gezet voren - den èèn zen olieboaitje, den andern ze lêzen, den andern ze züdwester, den andern ze wanten, ton ze neusdoek. Mor alle nachten mos je gie gon diepen voren, twi kèèrsn vie de mèèster... voe de stierman ee. E je zegdie ‘k gon ik gon diepen, en amedekèè je go no voren. Nateurlik je ziedie da stoan, je spriendachterüt ee mo da’s woar gebeurd van die vint wi - je sprieng achterüt. “Nê” zegten “wat is da nu, en ’t is e vint die doa stoat”, en je goat oblège en je telt: èèn, twèè, drieë, viere, vüve”, en zegten “ik zien zesse. Waffer takel ê dien zevensten ier an boord, ewo?” E je god ie were no voren en die vint stoa toa nog, mo j’is ie nu nie mi benauwd en je go nog e kir oblège en je tel nog eki van viere toe vüve en omdekèè roepten: “Me zien complète wei je” zegten “en de zevensten god over boord”. “Wê je mag nie, me lêzen en men olieboaitje en me wanten”! E je was weg, je was ’t a gon zeggen.
Beschrijving
Een visser die beweerde dat hij nergens bang voor was, moest op een nacht na twaalf uur de wacht houden op het schip. De andere bemanningsleden besloten de dappere visser een poets te bakken. Met een paar kledingstukken die ze ergens aan vastmaakten, fabriceerden de grapjassen een figuur die op een mens leek. Toen de dappere visser de verschijning zag, sprong hij achteruit met de woorden: "Wat is dat nu, daar staat een man!" Daarop ging de visser de vijf andere bemanningleden tellen en zei: "Wie is die zevende man aan boord?" en hij duwde de pop in het water.
Bron
A. Cornelis, Gent, 1958
Commentaar
1.4 Luchtgeesten
west-vlaams (kust)
116
fabulaat
Naam Locatie in Tekst
Oostende 
Oostende 