STOP0178_0179_20674

Dat wos e boer die zijn huus afgebrand wos, van oender nor boven, van den dunder. En ’t wos dor een, je moste toch zeggen dat dat e tovenare wos, want ne zag dat die boer zo triestig wos enne vroeg an die boer: "Worom zij je zo triestig?" "Wel", zei die boer, "geen koeibeesten meer èn, jen huus ofgebrand zijn, zoej toen niet triestig zijn?" "Mor oj wilt mijne raad volgen", zeiten, "je gaat in de positie ston wor dat je geston et." "Ja?" zei die boer, "wuk moet’k dorvoor doen?" "Je zij tol je koeibeesten en je zwijns kwijt enee?" vroegten, "wel, komt gij morgenavond e keer nor mij en me gon wieder toen zien wuk dat er dormee te doen staat." Die boer goeng. En otten hij dor bij die vint kwam, die vint zat dor up èn hoeten blok bezig met hem te warmen an e viertje van hoet. En zegten: "’k Gon hier e boek geven mor je moet olle dagen uut dien boek lezen en met acht dagen meug je kommen en je gaat zovele geld èn oje wilt om jen huus up te bouwen en zovele beesten of daj hadde van te voren. Mor je moet dien boek lezen olle dagen dorachter." Mor nu o dat enigten tijd nadien wos, die boerinne kwam oentrouwitg en zegt ze tegen heur vint: "Dat gaat uus geen geluk meebringen. Ik raân dat niet meer an. Ik wille die boek niet meer lezen. Je moet dien boek weregeven." Zo nu, ze gaven dien boek were en je wilde dat niet meer lezen. En gene tijd nadien, die hofsteê brandde were up met ol de beesten lik van te voren. ‘k Kunnen niet meer juuste zeggen o dat gebeurd in Torhout of in Kortemark. Dat wos e boek die ommeging met den duvel.

Een boer zat in zak en as omdat zijn boerderij na een blikseminslag was afgebrand. Een tovenaar die de boer zo bedroefd zag zitten, sprak tot hem: "Als je mijn raad opvolgt, dan zal je weer zover staan als vroeger. Kom morgenavond naar mij toe en dan zullen we eens kijken wat er kan gedaan worden". De volgende avond ging de boer naar de tovenaar die zich verwarmde bij een houtvuurtje. De tovenaar sprak tot de boer: "Ik geef je een toverboek waarin je iedere dag moet lezen. Na acht dagen mag je komen en dan zal je zoveel geld krijgen als je maar wilt, zodat je een nieuwe boerderij kan bouwen en nieuwe dieren kan kopen". De boer nam het boek aan. Enkele dagen later werd de boerin echter achterdochtig. Ze geloofde dat het boek geen geluk zou brengen en raadde haar man aan om het terug te geven. De boer gaf het boek terug aan de tovenaar.
Een tijdje later brandde de boerderij van die boer opnieuw af.
Dat moet gebeurd zijn in Torhout of in Kortemark.
Het boek had iets te maken met de duivel.

S. Top, Leuven, 1964

2.3 Toverboeken

west-vlaams (vrijbos)

90A

fabulaat

Woumen    Woumen   

Torhout    Torhout   

Kortemark    Kortemark