STOP0043_0044_20731

O ze kwamen nor Langemark wos de moeder van mijn zusters vint, Treze, ollene thuus. Ze wunde in ’t Holfweeghuus, tusschen Langemark en Poelkapelle. ’t Wos dor winkel, herberge en bakkerij. Treze zegt o ze thuus kommen: "’t èn hier drie vreemde mannen in de keuken geweest en overol roend gekeken."Z’horten (luisterden) zieder niet vele achter Treze. ’s Navonds an ze de voltevijnster opengelaten. Ze gingen toen gon slapen en ze vielen zieder toen in slape. Z’hoorden zieder toen ommèkeer e buus mor ze vielen zieder toen were in slape. De vint, Jules Debusschere, had zeer (pijn) in zijn tanden enne ging hij nor beneên enne zag dor de geldschuve van den toog ston up e stoel. De deure van de café stoend ook open. Enne gaat toen ook in de winkel en de schuve van de winkel stoend ook up e stoel en de kasse van de winkel lag ook uut. Z’an zijn trouwtenue, zijn moenter (horloge) meegepakt mor ’t goedewerk an ze niet mee. ’t Geweer an ze meegepakt in ’t ingon. In d’herberge an ze toen e Frans brood geten met kaas. O ze toen de tweede keer gingen, drie weken geleên wilden z’up de volte gon wor dat ze peinsden dat ’t geld zat. Den hoend die die aanzichten zag deur de deure, begoste zo geweldig te schreeuwen en te janken dat Jules were nor beneên kwam. Jules wilde nog achter de garde gon mor ne mochte niet weggon van zijn wuuf. ’t Wos die keer dat ze (de bende Pollet) vier winkels bestolen an in Poelkapelle.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Een man en een vrouw die in 't Halfweeghuis tussen Langemark en Poelkapelle woonden, kwamen op een dag terug van Langemark. Bij hun thuiskomst vertelde de moeder van de man dat er drie vreemde mannen op bezoek waren geweest en in de keuken hadden rondgekeken. Het echtpaar besteedde niet veel aandacht aan de woorden van de vrouw en lieten het zolderraam open toen ze gingen slapen.'s Nachts hoorden de man en de vrouw wel een bons, maar daarna vielen ze weer in slaap. Toen de man naar beneden ging omdat hij tandpijn had, zag hij dat de deur van het café openstond en dat de geldlade van de toog op een stoel stond. Het trouwpak en het horloge van de man waren gestolen. In de herberg hadden de dieven Frans brood met kaas gegeten. Een tijdje later pleegde de bende van Pollet opnieuw een inbraak bij die man. Deze keer wilden ze op de zolder geraken, omdat ze geloofden dat daar het geld verborgen lag. Bij het zien van de rovers begon de hond luid te blaffen, waardoor de man wakker werd en naar beneden ging. De man wilde de politie gaan verwittigen, maar zijn vrouw durfde niet alleen in het huis blijven. Die nacht beroofde de bende van Pollet vier winkeliers in Poelkapelle.

S. Top, Leuven, 1964

4. Historische sagen

west-vlaams (vrijbos)

21H

Moeder van de echtgenoot van de zus van de informant

fabulaat

Pollet (bende van)    Pollet (bende van)   

bende van Pollet    bende van Pollet   

Halfweeghuis (tussen Langemark en Poelkapelle)    Halfweeghuis (tussen Langemark en Poelkapelle)   

Langemark    Langemark   

Langemark    Langemark   

Poelkapelle    Poelkapelle