Hoofdtekst
Onderwerp : duivelsverbondene.
Tijd : + 1920
Plaats : Margraten
Veer höbbe vreuger café gehad, hie in Mergraote. Veer waore d'n enigste wat 'n biljart hauwe, en daomèt waor 't ummer nogal drök. Sòndigsjmörreges, nao de hwoamès, woort dan gebiljard, en es ze geine veerde màn hauwe, dan deeg ich mèt.
Zo waore veer ins aan 't sjpele, toen 'ne hiël vraeme minsj inkump. Hae zèt zich aan 'n töfelke en vraog veur e glaas beer. De vader brink 't 'm, en toen zaet dae vraeme: "Maog ich ins 'n kuns doon op 't biljart?" "Dat mòt ich de hiëre vraoge", zag de vader. Gein bezjwaor, alla.
Dae minsj sjteit neve 't biljart en pak drie kleine zjwarte belkes oet de tesj en lèk die op 't lake. "Höb d'r neet 'ne koffiebak (kom)?", vraogden 'r. De vader genf 'm eine en hae lèk 'm euver de belkes.
Toen leep 'r truk nao 't töfelke en zag: "Es geer mich 'ne grosje gaef, doon ich 't kunske". Eine genf 'm 'ne grosje en hae zaet: "Luch de koffiebak mèr". Dao laog 'ne grote zjwarte bàl. De bak woort weer daoöp gelag, hae kreeg weer 'ne grosje en dao laoge weer de drie klein belkes. Toen weer dat zellefde, weer de grote bal. Dat hauw 'n paar kiër gedoert, toen zag eine: "Es dat noe alles wat geer kint". "Nei", zaet de vraeme, "es d'r mich e krentsje (halve mark, + 30 cent) gaef, doon ich get angersj". Hae kreeg 't, de bak woort weer geluch, en dao laog de grote bàl. Dae begòs zo mèr te rolle, euver de rand van 't biljart, op de grònd, euver de grònd, tege de moer op, langs de plefòng, tot bove 't biljart. Toen veel 'r aaf en bleef op 't biljart ligke, zònger auch mèr get te bewaege, of te rolle.
In d'n tössjetiēd waor eine van Mergraote inkòme, en dae hauw zich dat aangezeen.
"Dòg dat nog ins", zag 'r tege de vraeme.
Dae keek effe, vloog op, en rende weg zo hel es 'r kant. Zonger te betale. Verdwene waor dae.
Later vraogde de vader aan daen eine, wie dat meugelik waor gewaes, tot dae waor goon renne.
"Jèh, toen ich 'm dat vraogde, heel ich 'n vinger op 't kruuske van de noster, omtot ich zaog, tot dae 't mèt d'r duvel hauw".
Tijd : + 1920
Plaats : Margraten
Veer höbbe vreuger café gehad, hie in Mergraote. Veer waore d'n enigste wat 'n biljart hauwe, en daomèt waor 't ummer nogal drök. Sòndigsjmörreges, nao de hwoamès, woort dan gebiljard, en es ze geine veerde màn hauwe, dan deeg ich mèt.
Zo waore veer ins aan 't sjpele, toen 'ne hiël vraeme minsj inkump. Hae zèt zich aan 'n töfelke en vraog veur e glaas beer. De vader brink 't 'm, en toen zaet dae vraeme: "Maog ich ins 'n kuns doon op 't biljart?" "Dat mòt ich de hiëre vraoge", zag de vader. Gein bezjwaor, alla.
Dae minsj sjteit neve 't biljart en pak drie kleine zjwarte belkes oet de tesj en lèk die op 't lake. "Höb d'r neet 'ne koffiebak (kom)?", vraogden 'r. De vader genf 'm eine en hae lèk 'm euver de belkes.
Toen leep 'r truk nao 't töfelke en zag: "Es geer mich 'ne grosje gaef, doon ich 't kunske". Eine genf 'm 'ne grosje en hae zaet: "Luch de koffiebak mèr". Dao laog 'ne grote zjwarte bàl. De bak woort weer daoöp gelag, hae kreeg weer 'ne grosje en dao laoge weer de drie klein belkes. Toen weer dat zellefde, weer de grote bal. Dat hauw 'n paar kiër gedoert, toen zag eine: "Es dat noe alles wat geer kint". "Nei", zaet de vraeme, "es d'r mich e krentsje (halve mark, + 30 cent) gaef, doon ich get angersj". Hae kreeg 't, de bak woort weer geluch, en dao laog de grote bàl. Dae begòs zo mèr te rolle, euver de rand van 't biljart, op de grònd, euver de grònd, tege de moer op, langs de plefòng, tot bove 't biljart. Toen veel 'r aaf en bleef op 't biljart ligke, zònger auch mèr get te bewaege, of te rolle.
In d'n tössjetiēd waor eine van Mergraote inkòme, en dae hauw zich dat aangezeen.
"Dòg dat nog ins", zag 'r tege de vraeme.
Dae keek effe, vloog op, en rende weg zo hel es 'r kant. Zonger te betale. Verdwene waor dae.
Later vraogde de vader aan daen eine, wie dat meugelik waor gewaes, tot dae waor goon renne.
"Jèh, toen ich 'm dat vraogde, heel ich 'n vinger op 't kruuske van de noster, omtot ich zaog, tot dae 't mèt d'r duvel hauw".
Onderwerp
SINSAG 0945 - Andere Begegnungen mit dem Teufel. 
SINSAG 0945 - Andere Begegnungen mit dem Teufel. 
SINSAG 0750 - Andere Zauberei.
SINSAG 0750 - Andere Zauberei.
Beschrijving
Tovenaar die het met de duivel houdt, verdwijnt nadat iemand zijn vinger op het kruis van de rozenkrans houdt.
Bron
Collectie Eggen, verslag 28, verhaal 7 (Archief Meertens Instituut)
Naam Locatie in Tekst
Mergraote
Mergraote
Plaats van Handelen
Margraten
Margraten