VRIES003001 - De bokkenrijder.

De bokkenrijder.

Op 'en avend komt bie Piet Bal die op Kampen (gemeente Vogelwaarde) weunden een buurman die mee een moeilik(h)eid zat.
Willem Dieleman, die da kortebie op een stee zat eit 't me zelf verteld. "'k Zitten d 'er zo mee tussen, jongen," zegt die buurman, want 'k èn een dochter die getrouwd is en in Rotterdam weunt in die erg ziek is.
'k Willen d 'er zo gèrn na toe maar oe moe 'k er kommen? (1890!)
"O," zegt Piet Bal, "d 'as niks buurman, da bi - je à je wilt!
Wacht maar even, 'k gaan naar huus om den bok, die za 'k wè voor j 'inspannen!
Piet Bal komt trug mee den bok. Sie, noe ga j 'op den bok zitten en je zegt: "overal over en nieveranst (nergens) in!"
Den buurman gieng der opzitten ma die zei: "Overal in en nieveranst over!"
In da gieng die direct deur een doorn(h)age; later vertelden ie deur d 'Oostzee, maar die kwam toch bie z 'en dochter in Rotterdam.
Toen à tie daar een dag of tweêgewist à kwam tie truggerejen en was 't weer van 'tzelfde, want ie a 't weer verkeer gezeid.
Ie kwam deurnat thuus in mee een (h)eel kapot gezicht, maar 'k bin toch maar in Rotterdam gewist zeit ie!

SINSAG 0511 - Über Weg und Steg    SINSAG 0511 - Über Weg und Steg   

Tovenaar heeft bok die kan vliegen na uitspreken van formule; door verkeerd uitspreken van formule komt berijder in doornhaag terecht.

Collectie De Vries, verslag 30, verhaal 1 (Archief Meertens Instituut)

Piet Bal    Piet Bal   

Willem Dieleman    Willem Dieleman   

Oostzee    Oostzee   

Kampen    Kampen   

Vogelwaarde    Vogelwaarde   

Rotterdam    Rotterdam   

Vogelwaarde    Vogelwaarde