VRIES004904

Op een keer kwam mien vader, Cornelissen, trug van z 'n werk van de stee van Edial Dekker bie de Reuzen(h)oek.
Ze waren mee z 'n vieren, vader, deKrieger, Jan Lagra en Dirkje vanDrommelen vaneigen.
't Was winter, 't aad à wà gevroren en 't kleine Polderse Kreekje bie de Reuzen(h)oek lag onder 't ies.
Dirkje zei: "Om ’t eeste tuus?"
Vader zei: "Jie kan loôpen zo (h)ard as à je wil, dà moe je zelf maa weten; wieder kommen oôk wè thuus.
En noe droegen ze vroeger allemaa een kruike àn een touwtje over udder rugge. Das zat udder drienken in, koffie of thee.
En Dirkje die pakten z 'n kruike van z 'n rugge; die liep naa 't kreekje. Ie zetten z 'n eigen op de kruike en weg was-tie, eelemaal uut 't zicht.
Den anderen dag zeit-ie:
"Wie was-ter noe eest thuus?"
"Ja, dà weetten wieder nie," zeijen ze, want jie bin seker langs een andere kant gegaan!

SINSAG 0750 - Andere Zauberei.    SINSAG 0750 - Andere Zauberei.   

Tovenaar rijdt op zijn drinkkruikje.

Collectie De Vries, verslag 49, verhaal 4 (Archief Meertens Instituut)

Cornelissen    Cornelissen   

Edial Dekker    Edial Dekker   

Dirkje van Drommelen    Dirkje van Drommelen   

Polderse Kreekje    Polderse Kreekje   

Reuzenhoek    Reuzenhoek   

Reuzenhoek    Reuzenhoek