VRIES005004

Wieder weunden op den (H)oek een (h)alf ure gaans van 't durp in de Goessche polder. Moeder most op een avend naa den (H)oek naa de wienkel van Ko Jurry.
Z 'aad een broek in de make voô vader.
Een jas ook, maa die most tie zelf (h)alen om em te passen.
In de wienkel stong een vrouwe (k weetten wè oe z '(h)eet, maa je mag 't er nie inzetten oor!) en die zei: tegen moeder:
"daa zit een spelle los in je doek, 'k zan em is vast maken!"
Moeder gieng de wienkel uut en ze dee nog een paar boodschappen.
Om zes uren gieng ze van den (H)oek weg en 't was al eelemaa donker want 't was in 't najaar.
Maa ze kon nie thuusgeraken.
Vader zei: "waa bluuf judder moeder noe toch!"
Om elf uren was tie zoo ongerust dat tie naa den (H)oek gieng.
Toen à tie een ende gelopen aa zag tie moeder zitten an de kant van de weg in den Oud-Westenriekpolder.
"Maa mens, wad-doe je noe toch, bi-je nie goed ghooren (geworden)," zei vader.
"'k Bin zovee moeg," zei moeder, want ze kon ost nie vooruut kommen.
En zo duurden dà tot (h)alfeen voor à se thuus waren.
Moeder zei da se betoverd was deuj die vrouwe die in de wienkel stond.

SINSAG 0540 - Hexe führt irre    SINSAG 0540 - Hexe führt irre   

Na aanraken door heks kan vrouw niet thuiskomen.

Collectie De Vries, verslag 50, verhaal 4 (Archief Meertens Instituut)

Goessche polder    Goessche polder   

Oud-Westenriekpolder    Oud-Westenriekpolder   

Hoek    Hoek   

Hoek    Hoek