CJ039109

De nachtmerjes kamen hjir fan 'e oare kant fan 'e Burgumermar wei. Se dreauwen yn in bûteraed oer de mar, fortelde ús heit.
It mat us in kear gebeurd wêze, doe kom der ien oan 't Swartkrús ta. Dy soe hjir of dêr hinne om ien to wurgen. Wylst se oer de mar kaem yn har bûteraed song se har heechste liet. Dat klonk prachtich. Der wie doe krekt in feint yn 't lân, dy harke der nei. Hy gong fanside achter de beamkes. "Ik wol wite," tocht er, "hwat dat foar in frommes is."
Doe't se oan 'e wâl kaem, stapte se út 'e bûteraed (it boatsje) wei en gong rinnendewei fierder. Hwat de feint doe to dwaen hie, hy naem de bûteraed en forstoppe him ergens.
Doe wachte hy krekt sa lang oant it frommes werom kaem.
Hja socht alles ôf om har bûteraed, mar koe him net fine. Doe bigong se sa bot to gûlen, dat de feint kaem by har.
"Hwerom gûle jo sa?" frege er.
"Myn boatsje is fuort", sei se.
"Hjir is jou boatsje," sei de feint, "jo sille it wer ha, mar dan matte jo ek sizze hwat jo binne en hwat jo dogge."
"Ik bin in nachtmerje," sei se, "en ik mat de minsken pleagje."
"As jo it my dan mar net dogge", sei de feint.
Dat biloofde se en doe stapte se yn 'e bûteraed en farde dêrnei de mar wer oer, wylst se allerprachtichst dêrby song.

Nachtmerries komen over het water in een boterbak. Op een keer kwam een nachtmerrie over het meer aangevaren, en een knecht hoorde hoe mooi ze zong. Hij verstopte haar vaartuigje en wachtte tot ze terugkwam. Toen hij het bootje teruggaf vertelde ze dat ze een nachtmerrie was. Toen stapte ze weer in haar boterbak en vaarde weer terug, terwijl ze weer prachtig zong.

Corpus Jaarsma, verslag 391, verhaal 9

12 september 1967

Burgumermar    Burgumermar   

Swartkrús    Swartkrús   

Zwartekruis    Zwartekruis   

Burgumermeer    Burgumermeer   

2013-03-01 14:46:21