CJ046701

Alde Douwe wie in boerke, dy wenne yn Kollumersweach. Tidens de oarloch fan '14 op '18 sei er: "As dit ôfroan is, krije wy yn '40 noch in hiele slimme oarloch."
It mantsje koe lêze noch skriuwe.
"In stêd yn it suden fan ús lân," sei er, "kriget der hiel bot fan. Ik bileef it net," sei er tsjin myn man syn broer, "mar jimme sille 't noch wol bilibje. De bern dy't nou nei skoalle gean krije 't swier. En ek deselden dy't noch geboaren wurde." Dat wienen de ûnderdûkers.
"Yn dy oarloch sil de koaningin fuort gean. Hwant Nederlân sil ek yn 'e oarloch bitrutsen wêze.
As se de minsken hjir op Sweagerfean oppakke, dan sil de oarloch gau dien wêze."
Dat is útkom: yn jannewaris '45 ha se ds. Hazenberg, Hille Veenstra en dokter Theo de Jager en meester Riemersma ophelle. Doe wie der in frou, dy sei tsjin my: "Nou, as âlde Douwe gelyk krijt, dan is de oarloch hjir gau ôfroun." 15 april binne wy bifrijd. Hy hat gelyk krige.
Yn 't earst fan 'e oarloch soenen se sizze: "Amerika komt, mar 't wurdt neat." As Amerika wer kaem, dan kaem Dútslân ûnder 'e treurebeam. Dan soenen de poepen it forlieze.
De koaningin soe ús forlitte. As se wer kaem, dan soe se net folle mear to sizzen ha. En dy't har opfolge, noch minder. Wy soenen in oar regear krije. De negus? soe de earste wêze dy't wer op 'e troan kom.
Der soe in gebaende wei troch de woastyn komme.
De Sahara soe fruchtber lân fan makke wurde.
De Joaden soenen nei Palestina weromgean.
Amerika soe yn fjouweren falle. In rêstige tiid krigen wy net wer.
Yn 'e tiid fan '40 op '45 soe der in middel útfoun wurde tsjin 'e tongblier.
De keallesketsen soenen fuort út 'e tiid reitsje as de oarloch bigoun (yn '14-'18 wienen der noch gjin keallesketsen)
Dan soe der noch in oarloch komme tusken Joaden en Russen. Tidens dy oarloch soe der mei houten gewearen striden wurde, dy wienen noch sterker as izerene. En dan soenen de liken by elkoar opstean, it soe sa'n oarloch wurde as de wereld it noch noait bileefd hie.
De boeren soenen machteloas stean.
Ingelân wie 'de grote hoer op de vele wateren'.
Dat soe syn bisittingen kwyt reitsje en as it ware alhiel wei wurde.
Uteindelik soenen de Russen baes wurde yn Europa.
Dat binne de foarsizzings fan âlde Douwe. Hy is sahwat om 1930 hinne stoarn.

SINSAG 0489 - Das zweite Gesicht    SINSAG 0489 - Das zweite Gesicht   

Een analfabete, oude man voorspelt tijdens de Eerste Wereldoorlog dat er in 1940 nóg een oorlog zal uitbreken. De man voorspelt dat een stad in het zuiden van het land het zwaar te verduren krijgt en dat de koningin zal vluchten. De man doet nog meer voorspellingen die met de oorlog te maken hebben. Alle voorspellingen zijn uitgekomen.

Collectie Jaarsma, verslag 467, verhaal 1 (archief Meertens Instituut)

18 augustus 1968

Das zweite Gesicht

Douwe    Douwe   

Hazenberg    Hazenberg   

Hille Veenstra    Hille Veenstra   

Theo de Jager    Theo de Jager   

Riemersma    Riemersma   

Joaden    Joaden   

Russen    Russen   

Kollumersweach    Kollumersweach   

Nederlân    Nederlân   

Sweagerfean    Sweagerfean   

Amerika    Amerika   

Dútslân    Dútslân   

Palestina    Palestina   

Ingelân    Ingelân   

Europa    Europa   

2013-03-01 14:46:21