CJ050821

Alle Sakes wie krekt sa'n man as Japik Ingberts. Hy hat yn Aldegea wenne. Hy wie in tige forneamde dief. Heit hat him wol kend. Hy gong wol us mei de bijen nei de heide fan Duerswâld en Bakkefean ta to bijkjen.
Op in kear gong er wer fuort mei in weinfol bijen. Doe't er oan 'e Kletten ta wie (ûnder Drachten), doe koe syn âld hynderke it net mear dwaen. Ien fan 'e jonges hied er by him.
Hy gong nei in boer ta (dêr't nou Veenstra wennet) en sei: "Wy kinne net fierder. It hynder kin de reis net dwaen. Kinne wy hjir ek bliuwe fannacht?" (Hwant sy gongen altyd yn 'e nacht mei de bijen der op út)
Nou, dat koe wol, sei de boer. Mar de oare moarns bitiid krige er de boer syn hynder en dat sette er foar de bijewein. Syn eigen âld hynder liet er dêr bliuwe.
De boer liet it der fansels net by sitte. Mar doe sei er brutael: "Hwat wol dy keardel? Ik en hy ha ruile."
De boer hat syn hynder noait wer krige.

Een bijenhouder - tevens een berucht dief - vraagt om onderdak bij een boer, omdat zijn paard vermoeid is. 's Ochtends ruilt de dief zijn eigen, vermoeide paard om voor het gezonde paard van de boer. De boer heeft zijn paard nooit meer teruggekregen.

Collectie Jaarsma, verslag 508, verhaal 21 (archief Meertens Instituut)

18 november 1968

Alle Sakes    Alle Sakes   

Japik Ingberts    Japik Ingberts   

Duerswâld    Duerswâld   

Kletten    Kletten   

Veenstra    Veenstra   

Aldegea    Aldegea   

Bakkefean    Bakkefean   

Drachten    Drachten   

2013-03-01 14:46:21