CJ061604

Der wie us in doomny, dy hâldde us op in snein-to-moarn in hiele moaije preek. Hy sei, de minsken mei in protte jild moesten dêr goed hwat fan oan 'e arbeiders jaen, hwant dy hienen 't krap.
De doomny hie sels in baerch slachte en dy hong yn 'e pasterije yn 't spekhok.
Syn frou siet dy snein-to-moarns ek yn 'e tsjerke.
De moandeimoarns wie de doomny op húsbisyk, de frou wie allinne thús. Doe kom der in skoaijer by de doar.
De skoaijer seit tsjin 'e frou: "Ik ha 't sa krap, soenen jo net hwat foar my ha?"
Hy krijt de frou fuort by 't hart. Hja seit: "Ja, komme jo mar yn 'e hûs, man. Wy ha krekt in baerch slachte. Nim jo dy mar mei."
De skoaijer nimt de baerch op 'e rêch en giet der mei fuort. Deselde moarns komt de doomny wer thús.
"Och, leave man," seit syn frou tsjin him, "hwat haw ik nou in moaije moarn hawn. Dû hiest juster sa'n learsume preek, dat ik ha der suver om gûld. Ik moest der fan 'e moarn hyltyd oan tinke."
"Dat fyn ik prachtich," sei de doomny, "hwat hast dan dien?"
"Der kom in skoaijer by de doar," sei se, "en dy ha 'k de baerch jown."
Doe woarde de doomny pûr-razend.
"Almachtige greate ezel," sei er, "nou sil 'k dy fuort deameitsje, foar datst sa dom biste."
Doe tocht er even nei. "Affijn," sei er, "ik sil dy noch sparje. Ik gean daliks direkt even fuort. En as ik dan nòch twa sokke domme minsken fyn astû der ien biste, dan kinst it leven hâlde. Oars meitsje ik dy dea."
Doomny gong der op 'e fyts op út.
Doe't er in eintsje fytst hie, kom der in boer oan, mei in weinfol biten. Dy stie boppe op 'e wein, mei in sekfol biten op 'e rêch.
"Hwat ha wy nou," frege de doomny, "hwerom drage jo dy sek mei biten op 'e rêch?"
"Nou man," sei de boer, "dan hat it hynder it doch folle lichter?"
"O ja", seit de doomny, en hy tinkt: "Dy is noch folle stommer as myn frommes."
Hy giet wer fierder op 'e fyts. Dan sjocht er fjouwer man, dy binne mei in koe oan 't tillen. Sy steane alle fjouwer foar in hekke.
De doomny springt fan 'e fyts en giet by dy mannen stean.
Hy seit: "Hwat wolle jimme eins mei dy koe?"
De mannen seinen: "Dy mat yn 't lân." En sy tilden de koe oer de hekke hinne ynpleats fan de hekke iepen to meitsjen. Doe hie doomny genôch sjoen.
Hy stapt wer op 'e fyts en rydt werom nei de pasterije ta.
Hy sei tsjin syn frou: "Nou ha 'k fiif minsken sjoen, dy wienen noch folle dommer as dû, dat ik skink dy it leven."

AT 1384 - The Husband Hunts Three Persons as Stupid as his Wife    AT 1384 - The Husband Hunts Three Persons as Stupid as his Wife   

ATU 1384 - The Husband Hunts Three Persons as Stupid as his Wife.    ATU 1384 - The Husband Hunts Three Persons as Stupid as his Wife.   

AT 1242a - Carrying Part of the Load    AT 1242a - Carrying Part of the Load   

ATU 1242a - Relief for the Donkey    ATU 1242a - Relief for the Donkey   

SINAT 1212* - Der Mann steht auf dem Wagen mit einem Sack auf dem Rücken, um das Pferd zu entlasten    SINAT 1212* - Der Mann steht auf dem Wagen mit einem Sack auf dem Rücken, um das Pferd zu entlasten   

VDK 1242A - Carrying Part of the Load    VDK 1242A - Carrying Part of the Load   

SINAT 1384 - Der Mann sucht drei Menschen, die ebenso dumm sind wie seine Frau    SINAT 1384 - Der Mann sucht drei Menschen, die ebenso dumm sind wie seine Frau   

VDK 1384 - The Husband Hunts Three Persons as Stupid as his Wife    VDK 1384 - The Husband Hunts Three Persons as Stupid as his Wife   

Op een zondagmorgen zegt de dominee in zijn preek dat mensen met veel geld wat aan de arme arbeiders moet geven. Zijn vrouw hoort dit ook.Zelf heeft de dominee een varken geslacht in in de pastorie in het spekhok gehangen. De volgende morgen is de domineesvrouw alleen thuis en een schooier komt langs en vraagt of ze iets kan missen. Ze geeft hem het varken mee. Als haar man dit hoort wordt hij woedend en scheldt haar voor dom uit. Hij zal haar sparen als hij nog twee van zulke domme mensen tegenkomt. Al fietsend komt de dominee een boer staande op een wagen tegen die een wagenvol bieten heeft en een zak bieten op de rug draagt, zodat het paard het lichter heeft. De man vindt de boer nog stommer als zijn vrouw. Daarna komt hij vier man tegen die een koe aan het tillen zijn en voor een hek staan. In plaats van het hek te openen tillen ze de koe over het hek. De dominee heeft genoeg gezien. Hij zegt tegen zijn vrouw dat hij haar spaart omdat hij vijf mensen heeft gezien die nog veel dommer zijn als zij is.

Collectie Jaarsma, verslag 616, verhaal 4

27 maart 1969

2013-03-01 14:46:21