CJ068201

To Feanwâlden stie in tsjerke mei in âlderwetske preekstoel, sa'n ien, dy't ûnder roun is en op ien punt fêst sit.
Dêr stie in doomny, dy hie in soad meneuvels by 't preekjen, dan wie er o sa heftich en soms sloech er mei de fûsten op 'e bibel. De tsjerkeriedsleden gong dat net nei 't sin. Sy seinen: Hy mat mar ris nei beneden.
Doe gongen se hinne en sy sagen mei in spansage it tinne ein fan 'e preekstoel op in lyts bytsje nei troch.
De sneins dêroan prek har doomny wer, en hy sloech en stampte wer wakker, dat sy seinen sacht tsjin elkoar: "Aenst komt er."
Mar de preekstoel hâldde it. Der gebeurde dy sneins neat.
Doe ha de tsjerkeriedsleden de stoel dy wyks nòch in knikje mei de sage jown.
De sneins dêroan stie manje wer op 'e stoel. En dat wie wer slaen en stampe. De fûst kom mei folle kracht op 'e bibel del. "Als ik kom," sei er, "dan kom ik haastig."
Mei't er dat sei kom er mei de preekstoel del. Dêr lei er langút oer de tsjerkeflier.
"Ja," hienen de tsjerkeriedsleden sein, "wy hienen dy fleden wike al forwachte."

AT 1825C - The Sawed Pulpit    AT 1825C - The Sawed Pulpit   

ATU 1825C - The Sawed Pulpit.    ATU 1825C - The Sawed Pulpit.   

Een dominee gesticuleerde tijdens het preken altijd nogal heftig. De mensen hadden daar genoeg van en besloten de poot van de preekstoel gedeeltelijk door te zagen. Maar de eerste zondag hield de stoel het. De week erna, juist op het moment dat de dominee zei: "Als ik kom, dan kom ik haastig," zakte hij door zijn stoel. De kerkeraadsleden zeiden dat ze hem vorige week al hadden verwacht.

Corpus Jaarsma, verslag 682, verhaal 1

19 mei 1969

The Sawed Pulpit

Feanwâlden    Feanwâlden   

Veenwouden    Veenwouden   

2013-03-01 14:46:21