CJ114202

Atsjemuoi en Trynmuoi wienen susters. Atsjemuoi wie troud mei Andersom en Trynmuoi hie forkearing mei Wibe de boer. Hja wie yn forwachting fan Wibe. Op in nacht wienen Anders-om en Tryn har oansteande togearre to mollefangen.
Doe slepte Trynmuoi by Atsjemuoi op 'e Boelensloane. Hja slepten yn 't selde bêd.
Doe droomde Trynmuoi, Manus Steensma, de molkrider kaem by it bêd, dêr't hja en Atsjemuoi leinen. Hy hie in swart kleed by him, en dat hâldde hy nouris boppe de iene en dan wer boppe de oare. Doe sei er: "Dyselde dêr't ik it kleed opgoai, dy oerkomt in ûngelok." Op 't lêst hie er it kleed oer Tryn-muoi dellein. In pear dagen letter brocht dyselde Manus Steensma it biricht dat Wibe de Boer, Tryn har feint dea wie. (De nachts tofoaren wie Wibe biroerd woarn. Doe wienen se nei 't Fean ta gong, nei dokter Keizer, hwant Wibe wie skjin forlegen. Dokter Keizer hie yn 'e kroech sitten to kaertspyljen mei oaren. Hy woe net mei nei Wibe ta. Even letter wie der al wer ien kaem foar Wibe. Doe hie dokter Keizer op it lêst, heal dronken en flokkende in drank meijown. Dêr hienen se Wibe fan jown en doe wie Wibe alhiel opset rekke en syn tonge hielendal dik. Dyselde nachts wie er stoarn. De oare deis kaem dokter Keizer dêr. Hy hie it drankje krigen, dat er meijown hie, en dat hie er gau yn 'e bûse stutsen. "Dat neem ik maar weer mee," hied er sein, "daar heeft een ander toch niets aan." Se wolle wol ha dat Keizer Wibe forgiftige hat. Earst hat men noch seksje op it lyk forrjochtsje wold, mar dat is net troch gien.)

SINSAG 0489 - Das zweite Gesicht    SINSAG 0489 - Das zweite Gesicht   

Een vrouw droomt dat een melkboer bij haar bed komt om te zeggen dat er iets slechts staat te gebeuren. De droomt komt uit: een paar dagen later komt dezelfde melkman de vrouw vertellen dat haar vriend dood is. Gefluisterd wordt dat een dokter de man vergiftigd heeft.

Collectie Jaarsma, verslag 1142, verhaal 2 (archief MI)

12 september 1974

Das zweite Gesicht

Atsjemuoi    Atsjemuoi   

Trynmuoi    Trynmuoi   

Andersom    Andersom   

Wibe de Boer    Wibe de Boer   

Wibe    Wibe   

Anders-om    Anders-om   

Tryn    Tryn   

Manus Steensma    Manus Steensma   

Tryn-muoi    Tryn-muoi   

Fean    Fean   

Keizer    Keizer   

Boelensloane    Boelensloane   

2013-03-01 14:46:21