CJ115826

Der kaem ris in rover by in doomny, let op 'e joun. Dy doomny wenne dêr iensum. De rover frege of er dêr oernachtsje koe en de doomny foun dat goed. Dy rover krige dêr to iten en to drinken en de doomny sette him tabak foar en die alles om it de man nei 't sin to meitsjen. Doe sei dy rover sa yn 't gesprek: "Binne jo net bang doomny, hjir sa allinne op sa'n iensum oarde to wenjen?"
"Né," sei de doomny, "hwant ik haw in bêste hiemdogge, en boppedat, ik fortrou der op dat God my biskermet."
De rover kaem dy nachts yn 'e útfanhûzerkeamer to sliepen. Mar hy slepte net. Hy wie hjir kaem om de doomny to biroven, mar troch alles hwat er dy jouns heard hie, wie er fan plan foroare. Hy woe dizze goede, earlike man net bistelle, De moarns ier en bitiid gong hy der ôf. Hy skreau in briefke, dêr't op stie: "Tige bitanke foar jou gastfrijens, mar fortrou net to folle op 'e houn, hwant dy hinget yn 'e beam." En doe gong er stil fuort. De houn hied er de foarige jouns by syn komst deamakke.

VDK 0958J* - De dominee en de roverhoofdman    VDK 0958J* - De dominee en de roverhoofdman   

Een dominee laat een rover bij hem overnachten. De dominee zorgt goed voor de rover en de rover vraagt de geestelijke of hij nooit bang is beroofd te worden. De dominee zegt niet bang te zijn omdat hij vertrouwt op God. De rover was voornemens de dominee te beroven, maar ziet hier na de woorden van de dominee vanaf. Hij laat wel een briefje achter waarin hij schrijft dat de hond aan de boom hangt. (De rover had de hond de avond ervoor gedood.)

Collectie Jaarsma, verslag 1158, verhaal 26 (archief MI)

19 september 1977

De dominee en de roverhoofdman

2013-03-01 14:46:21