CJ118806

Yn 'e buert fan Drachten en Beetstersweach hat yn 'e foarige ieu in hiel birucht man wenne, dêr't se allegearre bang foar wienen. Dat wie Biesterfeld. It wie in Hongaer fan ôfkomst en wenne op 'e Sweach, dêr't er skearbaes wie.
Op 'e Sumarreheide achter Piter Mudstra wenne âlde Hylke Slotegraaf. Dy fortelde:
"Wy kamen op in kear by him to skearen. 't Wie yn 'e winter en 't frear dat it ongele. Dy Biesterfeld wie in wreed man. Hy hie de kachel gloeijend read stean. Dêr wie in kat, dy stapte him hwat om 'e fuotten hinne. Biesterfeld krige him by de sturt beet en treau it bist yn 'e kachel."
Op in kear kaem Biesterfeld thús, doe hie er it bloed op 'e klompen sitten. Doe hie er in keardel deamakke en ûnder it iis treaun.
Op in kear moest er foar 't rjocht komme. Doe frege de rjochter him: "Ha jo altyd itselde pakje oan as jo sa op roof en moard útgeane?"
Doe sei Biesterfeld: "Hat mynhear altyd deselde mûtse op as mynhear sokke strikfragen docht?"
Biesterfeld kaem út Hongerije. Dêr hie er eigner west fan twa paardestaken (stikken lân).
Jelmer Slotegraaf (in broer fan Hylke) kaem by in dochter fan Biesterfeld. Jelmer hie ramplesant west ûnder tsjinst en krekt de sinten dêrfan bard. Dat remplesantejild hie er by him doe't er nei de faem ta rekke. En dat hie er yn syn dommens forteld oan Biesterfeld.
Doe stie Biesterfeld him nei 't leven. Jelmer is doe oer hekken en troch sleatten op 'e flecht gong, hwant oars hie Biesterfeld him deamakke, hwant hy woe de sinten ha.

Gruwelijke verhalen over de beruchte, wrede Hongaar Biesterveld die in de vorige eeuw in de buurt van Drachten leefde.

Collectie Jaarsma, verslag 1188, verhaal 6 (archief MI)

2 augustus 1979

Hongaar    Hongaar   

Jelmer    Jelmer   

Jelmer Slotegraaf    Jelmer Slotegraaf   

Hylke    Hylke   

Hongerije    Hongerije   

Hongaer    Hongaer   

Sweach    Sweach   

Piter Mudstra    Piter Mudstra   

Hylke Slotegraaf    Hylke Slotegraaf   

Biesterveld    Biesterveld   

Biesterfeld    Biesterfeld   

Drachten    Drachten   

Beetstersweach    Beetstersweach   

Sumarreheide    Sumarreheide   

2013-03-01 14:46:21