CJ081814

Der kom ris in man by Knillis Wytses, dy siet alhiel ûnder 'e pûkels. Hy hie in bulte lêst fan jokte. Dan toklaude er him en dan gongen dy pûkels iepen. Hy hie der rounom mei mastere, ek to Ljouwert, mar nergens baet foun.
Doe kom er dan by Knjillis Wytses.
"Kin dit wer better?" frege er.
"Wis wol," sei Knjillis Wytses, "kom mar mei yn 'e tún."
"Sjoch," sei er, "graef dêr mar in gat. Hjir hast ark."
Doe bigong dy man to dollen. Doe't er in skoftsje dold hie, frege er: "Is 't sa djip genôch?"
"Sa djip genôch?" sei Knjillis Wytses, "welné man, dû mast sa djip grave datst der krekt mei de holle ta'n út stikest. En dû mast alle klean út dwaen."
Doe dolde dy man sa djip dat hy der rjocht op en del yn stean koe.
Doe wie Knjillis Wytses wer by him kom en hie it gat om him hinne damme. De holle stuts allinne boppe de groun út. Sa liet er him in tsien minuten stean.
Doe sei Knjillis Wytses: "Nou sil 'k dy helpe dêr wei to kommen." De man rekke der út. "Nou mast dy ôfwaskje," sei Knjillis Wytses, "en dan bistû genezen."
Sa wie 't ek. 't Wie allegear libben guod dat him ta 't fleis út krûpt wie. Dat wie yn 'e groun krûpt.
"Dêr bistû ôf", sei Knjillis Wytses.

SINSAG 0283 - Übertragung des Fieberdämons    SINSAG 0283 - Übertragung des Fieberdämons   

Een wonderdokter laat een man die helemaal onder de pukkels zit een diepe kuil graven. De kuil is zo diep dat alleen het hoofd van de man er nog bovenuit komt. De wonderdokter gooit het gat hierop dicht maar zorgt ervoor dat het hoofd van de man vrij blijft. De pukkelige man voelt dat er van alles uit zijn lichaam in de aarde om hem heen kruipt. Na tien minuten helpt de wonderdokter hem uit de kuil en de man is van zijn kwaal af.

Collectie Jaarsma, verslag 818, verhaal 14 (archief MI)

17 maart 1970

Übertragung des Fieberdämons

Knillis Wytses    Knillis Wytses   

Knjillis Wytses    Knjillis Wytses   

2013-03-01 14:46:21