Hoofdtekst
De Moespot 45 (2002) 194, p. 30-31
Graancirkels
Dat bunt natuurveschiensels van de leste jaor'n.
De kranten staot d'r vol van, kompleet met plaatjes d'r biej. De veslaggever wet d'r alles aover te vetel'n en as de luu d'r zich massaal met gaot bemujen, dan gleuft de ene helfte heilig in dat niejs en de andere helfte vind 't maor groten flauwekul.
Veur een hötjen terugge hef de regio Zutphen d'r ok met te maak'n ehad, iederene had van alles en nog wat ezien daor achter in de Höve.
Op de weg nao 't spookhuus was een graancirkel ekonstateerd. De boer eiges, waor 't stuk land van was, hef d'r gin gres aover laoten grujen en is nao 't zien van den cirkel dreks an 't oogsten eslagen, zodat binnen de kortste keer'n alle spoor'n waar'n uut-ewist. Ok mosse van al die niejsgierige luu niks hebben en haalden zien oogst gauw binnen, veur 't kosbare graan vetrapt wier. Zien kommentaar was eenvoudig nuchter te numen: "Noe he'k op zien minste nog wat vediend en met die natuurveschiensels he'k weinig of niks van doen, ik denke 't miene d'r van."
Dit was toen groot niejs, maor wiej heurt d'r niks meer aover. Dat kon trowes ok niet meer, want 't koren was al lange en breed e-oogst, van graancirkels ha hé nog nooit eerder eheurd en, zo dache d'r biej, dörft die butenaardse wezens daor ok niet in te landen, bange dat ze de weg kwiet raakt.
De ene mens vindt die graancirkels biezunder niejs en de ander hartstikke griezelig.
En umdat 't gewone volk d'r niet uut kump wat daor noe krek de oorzaak van is, haalt ze d'r daluk een afgestuddeerden graancirkel-oloog biej, die zich ok in U-foos en andere "sei-insfiksions-achtige" veurwerpen vediept hef, dus de grote diskussie daoraover op gang breg, of 't noe waor is of niet.
Disse moderne geestveschieninge is helemaole te vegelieken biej vrogger, toen de vehalen de ronde deien aover spoken en andere eigenaardige wezens, die zich meestentieds ophiel'n in de buurte van een kerkhof, of die wel 's opdaoken in een draaikolke, waor de mist in dikke laogen baoven hing.
Ze wisten ons vrogger dus ok al bange te maak'n. De olde luu van toen hadden "gin groter vermaak dan leedvermaak". Ik wette mien nog goed te herinneren, dat wiej as buuls van jonges, heilig geleufden in de "boelekaerl". Den zol in de bleike zitten, biej ons in 't darp. Daor werden wiej bange met emaakt deur vader, die 't zo spannend wis te vetellen, vlak veur dat wiej nao bedde mossen. Moeder zat toen met een probleem op-eschept, umda'w de slaop niet konnen vatten. Wiej bedachen iedere keer weer een ander smoesjen um maor wakker te blieven.
Noe weer effen terugge nao dat spookhuus in Brummen.
Iederene wet ok daoraover met te praoten, maor wet 't fijne d'r ok niet van. De spookboerderieje steet nog altied leug. Ligt d'r vervallen biej, want 't mot daor nog steeds spoken.
Weurum ze dat vervallen krot niet afbrekt, is mien een groot raodsel en dat nog niemand is op-estaon um daor een toeristischen trekpleister van te maak'n, dat vewondert mien nog meer want een mense hölt van geheimzinnig gedoete.
[...]
D'n Draodnaegel
Graancirkels
Dat bunt natuurveschiensels van de leste jaor'n.
De kranten staot d'r vol van, kompleet met plaatjes d'r biej. De veslaggever wet d'r alles aover te vetel'n en as de luu d'r zich massaal met gaot bemujen, dan gleuft de ene helfte heilig in dat niejs en de andere helfte vind 't maor groten flauwekul.
Veur een hötjen terugge hef de regio Zutphen d'r ok met te maak'n ehad, iederene had van alles en nog wat ezien daor achter in de Höve.
Op de weg nao 't spookhuus was een graancirkel ekonstateerd. De boer eiges, waor 't stuk land van was, hef d'r gin gres aover laoten grujen en is nao 't zien van den cirkel dreks an 't oogsten eslagen, zodat binnen de kortste keer'n alle spoor'n waar'n uut-ewist. Ok mosse van al die niejsgierige luu niks hebben en haalden zien oogst gauw binnen, veur 't kosbare graan vetrapt wier. Zien kommentaar was eenvoudig nuchter te numen: "Noe he'k op zien minste nog wat vediend en met die natuurveschiensels he'k weinig of niks van doen, ik denke 't miene d'r van."
Dit was toen groot niejs, maor wiej heurt d'r niks meer aover. Dat kon trowes ok niet meer, want 't koren was al lange en breed e-oogst, van graancirkels ha hé nog nooit eerder eheurd en, zo dache d'r biej, dörft die butenaardse wezens daor ok niet in te landen, bange dat ze de weg kwiet raakt.
De ene mens vindt die graancirkels biezunder niejs en de ander hartstikke griezelig.
En umdat 't gewone volk d'r niet uut kump wat daor noe krek de oorzaak van is, haalt ze d'r daluk een afgestuddeerden graancirkel-oloog biej, die zich ok in U-foos en andere "sei-insfiksions-achtige" veurwerpen vediept hef, dus de grote diskussie daoraover op gang breg, of 't noe waor is of niet.
Disse moderne geestveschieninge is helemaole te vegelieken biej vrogger, toen de vehalen de ronde deien aover spoken en andere eigenaardige wezens, die zich meestentieds ophiel'n in de buurte van een kerkhof, of die wel 's opdaoken in een draaikolke, waor de mist in dikke laogen baoven hing.
Ze wisten ons vrogger dus ok al bange te maak'n. De olde luu van toen hadden "gin groter vermaak dan leedvermaak". Ik wette mien nog goed te herinneren, dat wiej as buuls van jonges, heilig geleufden in de "boelekaerl". Den zol in de bleike zitten, biej ons in 't darp. Daor werden wiej bange met emaakt deur vader, die 't zo spannend wis te vetellen, vlak veur dat wiej nao bedde mossen. Moeder zat toen met een probleem op-eschept, umda'w de slaop niet konnen vatten. Wiej bedachen iedere keer weer een ander smoesjen um maor wakker te blieven.
Noe weer effen terugge nao dat spookhuus in Brummen.
Iederene wet ok daoraover met te praoten, maor wet 't fijne d'r ok niet van. De spookboerderieje steet nog altied leug. Ligt d'r vervallen biej, want 't mot daor nog steeds spoken.
Weurum ze dat vervallen krot niet afbrekt, is mien een groot raodsel en dat nog niemand is op-estaon um daor een toeristischen trekpleister van te maak'n, dat vewondert mien nog meer want een mense hölt van geheimzinnig gedoete.
[...]
D'n Draodnaegel
Onderwerp
TM 6002 - Cirkels in het graan 
TM 6002 - Cirkels in het graan 
Beschrijving
In de buurt van een spookhuis wordt een graancirkel gevonden. De boer oogst het graan meteen, omdat hij geen zin heeft in nieuwsgierig volk. Alhoewel er gespeculeerd wordt over buitenaardse wezens, lijkt de boer het op een natuurverschijnsel te houden.
Bron
De Moespot 45 (2002) 194, p. 30-31
Commentaar
juni 2002
Cirkels in het graan
Naam Overig in Tekst
Boelekearl
Boelekearl
Boelekerel
Boelekerel
Naam Locatie in Tekst
Zutphen
Zutphen
Brummen
Brummen
Höve
Höve
Datum Invoer
2013-03-01 14:46:20