CJ097508

Ruerd en heit gongen ris op in kear nei 't kafé op 'e Drachtster Pipe, by de brêge. Doe't se dêr yn kommen seagen se dêr in hiele ploech sitten. Dy kommen fan 'e merk, hwant it wie dy deis krekt Drachtster merk. 't Wienen meast keaplju en it gong dêr wakker op in swetsen en swearen. 't Wie dêr in lawaei fan je heisa. 't Wie lang gjin noflik folk. Heit en Ruerd nommen elk in slokje. Under it folk wie hwat in readige jonge baes, dy hie al aerdich hwat drank hawn. Ut en troch sloech dat baeske sa bot mei de fûst op 'e tafel, dat dan rekke der drank út 'e romers fan Ruerd en dy en de oaren. Dat stie Ruerd net bot oan.
"Dogge jo dat sà?" sei er.
Op 't lêst sloech dy fint sa bot op 'e tafel, dat de hiele romer fan Ruerd rekke om.
Ruerd sei: "Dêr mat wer ien yn, heite, dit kin sà net." Mar dat woe dy fint net.
Ruerd sei: "Hwat slachstû hyltyd mei de fûst op 'e tafel, jong. Dat dogge wy by ús sa net."
Doe sei er: "Hoe dogge jimme dat dan?"
"Dat sil 'k dy sizze", sei Ruerd. En hy gong nei dy fint ta en hy krige him by 't boarst beet en hy hâldde him omheech en hy sette him op 'e stoel del. En doe hâldde er him nochris fier boppe him en sette him wèr op 'e stoel.
"Sjoch, sà dogge wy dat by ús", sei er.
(It wie in Ruerd Veenstra; hy wie frijgesel).

TM 2801 - Sterke man (vrouw)    TM 2801 - Sterke man (vrouw)   

Ruerd Veenstra was eens in een cafe waar veel marktkooplui aanwezig waren. Een van de koopmannen sloeg regelmatig hard met zijn vuist op tafel. Ruerd ergerde zich daaraan, en om te laten zien dat hij daar niet van gediend was ging hij naar de man toe. Hij tilde hem een paar keer hoog op en zette hem op een stoel.

Collectie Jaarsma, verslag 975, verhaal 8 (archief Meertens Instituut)

19 januari 1973

Sterke man (vrouw)

Ruerd Veenstra    Ruerd Veenstra   

Drachtster Pipe    Drachtster Pipe   

Drachten    Drachten   

2013-03-01 14:46:21