CJ098908

De Verlengde Stasjonswei hiet froeger Lange Loane. 't Wie doe noch in lânwei. By de bocht wie in leech plak yn [in] streek fan sa'n 5 m, dêr stie by 't hjerst altyd wetter yn. Myn pake soe ris nei famylje ta op in joun. 't Wie donker. Doe seach er in grouwe swarte houn, sa great as in Sint Bernard, mar mei in greate, lange bek. Hy sjocht him foar him lâns gean op 't plak dêr't oars wetter stie.
Doe't er by de beide âlde omkes wie fortelde er hwat er sjoen hie. Doe sei Geart-om: "Nou jonge, dat is net in moai foarútsicht."
"Hoe dàt sa net?" frege pake.
"Dû kinst der mar gerust op oan dat der aenst yn ús famylje in sterfgefal komt. Dat duorret net sa lang mear." Pake leaude dat wol.
"Hwa is dat dan?" frege er.
"Dat kin 'k dy net sizze", sei Geart-om.
In skoft letter wurdt pake siik. It wie in ûngeneslike kwael. Myn heit (syn skoansoan) hat der noch foar nei Joast Wiersma, to Jistrum, west, mar hy mocht gjin baet mear fine. Hy hat net lang sukkele, doe wied er dea.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

De grootvader van de verteller liep op een avond buiten. Onderweg zag hij een grote zwarte hond. Toen hij het aan zijn broer vertelde, zei die dat er een sterfgeval in de familie zou komen. Enige tijd later werd de grootvader ziek en stierf.

Collectie Jaarsma, verslag 989, verhaal 8 (archief Meertens Instituut)

16 maart 1973

Andere Todesvorzeichen.

Lange Loane    Lange Loane   

Lange Laan    Lange Laan   

Sint Bernard    Sint Bernard   

Geart    Geart   

Joast Wiersma    Joast Wiersma   

Verlengde Stasjonswei    Verlengde Stasjonswei   

Verlengde Stationsstraat    Verlengde Stationsstraat   

Jistrum    Jistrum   

2013-03-01 14:46:21