CJ100206

Ergens stie in slot. De hear en de frou wienen útfanhûs.
It personeel wie allinne mar thús en dy moesten op it slot passe. De fijân fan 'e slothear dy wist dat en tocht: nou matte wy ús slach slaen.
Doe kaem dêr op it slot in man, dy hie in great pak op 'e rêch. Hy praette mei de faem en frege of dat pak dy nachts wol yn 't slot lizze mocht. De faem sei, hy moest der mar yn komme. Hy naem it pak mei. Dat mocht dêr dy nachts wol bliuwe. It kaem yn 'e keuken to lizzen.
De faem fortelde oan 't oare folk dat in man dêr in pak brocht hie. Doe sei der ien: "Wy matte dat pak ris sjen."
Hja gongen der hinne en doe biweegde dat pak.
Hja hienen fuort yn 'e gaten dat dat net doogde. In great-jonge, dy't ek op it slot tahâldde hie noch in âld Chattam - dat wie in gewear. Hy sei tsjin 'e oaren: "Sil 'k der ris yn sjitte?" Dat woenen de oaren earst net lije, mar de jonge sette troch. Hy die 't àl. Hy botste der yn en doe fleach it bloed der út.
Hwat moesten se nou? 't Wie yn 'e nacht. Hja seinen: dit komt net goed. Wy matte ark ha. Hwant dit is grif ien fan in roversbinde. Doe wapenen se har allegear mei foarken en gripen en seinen en sa wachten se de fijân ôf.
Dy kaem al ridlik gau. Hja hienen der net op rekkene dat se oanfallen wurde soenen en wienen moai gau wer fan 't hiem. Hja hienen de slach forlern.
Yn it pak siet in lyts persoan dy't fan alles by him hie. Allegear moardnersreau. Ek in fluitsje.
De oare deis kamen de hear en de frou wer thús. Doe fortelde it personeel hwat der gebeurd wie. Doe krige de jonge ta bileanning in sulveren tabaksdoaze fan 'e hear.

AT 0958C* - Robber in Shroud    AT 0958C* - Robber in Shroud   

ATU 0958C* - Robber in Shroud.    ATU 0958C* - Robber in Shroud.   

Het personeel van een slot was alleen thuis en moest oppassen. Er kwam een man met een groot pak op zijn rug aan de deur. Hij vroeg of hij het pak die nacht op het kasteel mocht laten. Het bleef in de keuken liggen. Maar toen het personeel het pak goed bekeek, voelden ze dat er iets niet in de haak was. Een van de bedienden schoot er op en toen sijpelde er bloed uit. Ze wapenden zich met vorken en grepen en wachtten de vijand zo op. Die had daar niet op gerekend en droop snel af. In het pak bleek een dwerg te zitten die allerle moordenaarswerktuig bij zich had, en ook een fluitje. Toen de kasteelheer en dame terugkwamen vertelde het personeel wat er gebeurd was, en de knecht die op het pak had geschoten kreeg als beloning een zilveren tabaksdoos.

Collectie Jaarsma, verslag 1002, verhaal 6 (archief Meertens Instituut)

12 april 1973

Robber in Shroud

Chattam    Chattam   

2013-03-01 14:46:21