CJ109017

Der wenne in man yn Jistrum, dy sûpte altyd sa. En dan brûkte hy der rare wurden by.
Doe seinen syn maten tsjin him: "Jonge, dêr mast mei ophâlde." Mar doe flokte hy noch folle mear.
Doe seinen se tsjin him: "As de âlde duvel dy tsjin komt, silst wol oars prate."
"Dan siz ik gewoan 'goeijenavond' tsjin 'e duvel", sei er.
"En as er dan neat seit, sil 'k sizze: 'Bist bang, dat de bek sa lang net mei kin as de kont?'"
Dyselde jouns, nei't er dat sein hie, kom de duvel him tsjin. Hy sei tsjin 'e duvel: "Goeijenavond."
De duvel lake. Hy hie egen yn 'e holle as koallen fjûr. De man skiet hast yn 'e broek fan binaudens doe't er dat seach. Mar de duvel sei neat.
Doe sei de man tsjin 'e duvel: "Bist bang, dat de bek sa lang net mei kin as de kont?"
Doe fleach de duvel op him ôf, mar doe sprong de man gau oer de sleat op in stik rogge. Rogge is heilich, dêr koe de duvel net komme.
De man roan der skean troch hinne. Doe kaem er oan 'e oare kant fan 'e rogge.
Mar dêr wachte de duvel him op en fangde him. Doe hat de duvel him smiten. Hy wie grien en blau doe't er thúskaem en yn 't bûthús stie.
Noait hat er wer flokt en sûpt.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Man die veel drinkt en vloekt zegt dat als hij de duivel tegenkomt hij hem zal groeten, en als hij geen antwoord krijgt zal vragen of hij bang is dat zijn mond minder lang mee kan dan zijn achterwerk. Hij komt de duivel tegen, en doet wat hij eerder heeft gezegd. De duivel vliegt op hem af, maar de man ontkomt door in een roggeveld te springen waar de duivel niet kan komen. Aan de andere kant wacht de duivel hem op, vangt hem en smijt hem. De man heeft nooit meer gedronken en gevloekt.

Collectie Jaarsma, verslag 1090, verhaal 17 (Archief Meertens Instituut)

30 maart 1974

Andere Begegnungen mit dem Teufel

Jistrum    Jistrum   

Eestrum    Eestrum   

2013-03-01 14:46:21