CJ109331

Der wie in man yn Feanwâldsterwâl, dy gong ris nei Rinsumageest ta om syn sûkerij-sinten. It wie yn 'e nacht doe't er werom kaem. Doe't er op 'e Godloas Singel wie, tocht er: "Ik hear guon oankommen."
Krekt as lei 't him sa by, dat dy mannen net folle goeds yn 't sin hienen. Hy hie in hountsje by him. Der lei flak by yn 'e wâl in skou oer de kop. Hy tocht: "dêr krûp ik ûnder." It hountsje gong der mei him ûnder en it dier hâldde him stil.
Doe gongen dy twa man, dy't der oankamen op dy omkearde skou sitten, dêr't hy ûnder lei. Hy tocht: "Ik mat stil lizzen bliuwe."
De iene man dy't op 'e skou siet, sei: "Wy matte him heal dea slaen."
"Né," sei de oare, "hy mat dea."
De man dy't ûnder 'e boat lei, koe de stimmen. Hy wist hwa't it wienen.
Doe sei de iene: "Wy matte mar in eintsje de Boppewei út, dan sjogge wy him wol oankommen."
Doe't se de boat forlitten hien, klaude hy hurd ûnder 'e boat wei en hy stevene nei it earste it bêste arbeidershúske nei de kant fan Feanwâlden út, dat er seach. Mar de beide oaren krigen him yn 't fezier. Dy der achteroan. Hy wie krekt binnendoar, doe wienen de mannen ek oan 't húske ta. Hy koe krekt fan tofoaren binnen komme.
De oare moarns kamen syn beide arbeiders by him op it wurk.
Doe sei er: "Nou kinne jimme wol wer fuort gean."
Se krigen dien. It wienen de twa, dy't him formoardzje wold hienen.
Dy man wie de heit fan Piter Ykes Hoekstra.

VDK 0958L* - De man onder de omgekeerde boot    VDK 0958L* - De man onder de omgekeerde boot   

Onderweg naar huis hoort man die geld heeft opgehaald anderen aankomen. Hij vertrouwt het niet, kruipt onder een omgekeerde boot. De mannen gaan op die boot zitten en hij hoort hen afspreken hem te vermoorden. De man herkent hun stemmen, weet aan hun te ontkomen doordat ze hem ergens anders gaan opwachten. De volgende ochtend ontslaat hij de twee arbeiders die hem hebben willen vermoorden.

Collectie Jaarsma, verslag 1093, verhaal 31 (Archief Meertens Instituut)

3 april 1974

De man onder de omgekeerde boot

Piter Ykes Hoekstra    Piter Ykes Hoekstra   

Pieter    Pieter   

Feanwâldsterwâl    Feanwâldsterwâl   

Veenwoudsterwal    Veenwoudsterwal   

Rinsumageest    Rinsumageest   

Godloas Singel    Godloas Singel   

Goddeloze Singel    Goddeloze Singel   

Boppewei    Boppewei   

Boevenweg    Boevenweg   

Feanwâlden    Feanwâlden   

Veenwouden    Veenwouden   

2013-03-01 14:46:21