CJ109912

Myn pake dat wie Piter Bosma, dy wie plysje yn Feankleaster. Gemeenteplysje. Jouns 12 ûre moesten alle café's yn 'e gemeente sluten wurde. Dan reizge hy by al dy café's lâns, en yn elk café traktearre de kastlein him op twa buorrels. Hy naem op 'e hinnereis de iene kant fan 'e wei, op 'e weromreis de oare.
De café's koenen dan fansels krektsalang iepen bliuwe as se mar woenen. As pake thúskaem hied er in goed stik yn 'e kraech. Sokke dingen typearren him. Dêrby joech er om God noch syn gebot. It wie in greate flokker en spotter.
Op in kear wie er op 'e Mûntsewei by Feankleaster.
It waeide in stoarm. Hy woe 't âld pypke opstekke. Dêr brûkte er de tonderdoaze by. Mar trochdat it sa hurd waeide koed er noait de brân der yn krije.
Doe hat er it dêr raer dien en mâl opsein, dêr op 'e Mûzewei. Hy hat alles forwinske en forflokt en dien.
Mar doe stie der ynienen in hiel moai frommes foar him mei in koaltsje fjûr. Hja sei: "Bosma, stek oan."
Mar Bosma biskiet him.
As er mei dat koaltsje fjûr syn pypke oanstutsen hie, wie 't syn dea west. Hwant it wie de duvel sels dy't by him stie.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Politieagent die moet toezien op sluiting van cafés, raakt aangeschoten van de borrels die hij van elke kastelein krijgt. Hij vloekt en spot er dan op los. Dat doet hij ook als hij een keer door de harde wind zijn pijp niet kan aansteken. Maar het kooltje vuur dat een mooie vrouw die opeens voor hem staat, hem aanbiedt slaat hij af. Het zou zijn dood zijn geweest, want het was de duivel.

Collectie Jaarsma, verslag 1099, verhaal 12 (Archief Meertens Instituut)

10 april 1974

Zijn bijnaam is Japik blazer. Hij is voor de 2e maal getrouwd en heeft 19 kinderen

Andere Begegnungen mit dem Teufel

Piter Bosma    Piter Bosma   

Pieter    Pieter   

God    God   

Feankleaster    Feankleaster   

Veenklooster    Veenklooster   

Mûntsewei    Mûntsewei   

Mûzewei    Mûzewei   

Bosma    Bosma   

2013-03-01 14:46:21